Sony Xperia 1 VI flaqman smartfonunun promo materialları təqdim olunub

     Evan Blass adlı məşhur insayder təqdimata hazırlaşan Sony Xperia 1 VI flaqman smartfonuna dair promo materialları təqdim edib. Təqdim edilmiş promo materiallar sözügedən smartfonun xarici görünüşünü sərgiləyir və onun bəzi texniki özəlliklərini ortaya çıxarıblar. Beləliklə promo materiallara əsasən Xperia 1 VI smartfonu Sony Xperia seriyasının daha öncəki smartfon dizaynlarını özündə birləşdirəcək. Yəni bu mövzuda yeni smartfonda ciddi bir dəyişiklik gözlənilmir.

     Bir neçə gün bundan öncə ortaya çıxmış məlumatlarda qeyd edilmişdi ki, sözügedən yeni flaqman smartfon Sony Bravia ekranına sahib olacaq. İndi isə təqdim edilmiş promo materiallardan biri bu məlumatı təsdiqləyib. Fotolardan birində görmək olar ki, Xperia 1 VI smartfonu üçlü arxa kamera ilə təchiz olunacaq. Həmin fotoda həmçinin qeyd edilib ki, ultra geniş bucaqlı kamera obyektivinin effektiv fokus məsafəsi 16 mm, əsas arxa kameranın effektiv fokus məsafəsi 24 mm, teleobyektivin isə effektiv fokus məsafəsi 85 mm təşkil edəcək.

     Üstəlik məlum olub ki, Xperia 1 VI naqilli qulaqlıqlar üçün nəzərdə tutulmuş 3.5 mm-lik audiogirişə, 360 dərəcəlik həcmli səsin təmini imkanına və 5000 mAh enerji tutumlu batareyaya sahib olacaq. Promo fotolarda smartfonun hansı prosessor vasitəsilə çalışacağı qeyd edilməyib. Lakin daha öncəki məlumat sızıntılarına əsasən smartfon Snapdragon 8 Gen 3 prosessoru vasitəsilə çalışacaq. Qeyd etmək lazımdır ki, Sony Xperia 1 VI flaqman smartfonu 17 may tarixində təqdim olunacaq.

Bənzər xəbərlər

Cihazlar+

Yaxın zamanda təqdim olunacaq Sony Xperia 1 VI flaqman smartfonunun render fotoları təqdim edilib

Az əvvəl biz, Sony şirkətinin növbəti flaqman smartfonu olacaq Xperia 1 VI-in texniki imkanları barəsində xəbər verdik. İndi isə Android Headlines saytı sözügedən smartfonun keyfiyyətli render fotolarını təqdim edib.

Cihazlar+

Orta büdcəli Sony Xperia 10 VI smartfonunun render fotoları təqdim edilib

Sony şirkəti Xperia 1 VI flaqman smartfonu ilə yanaşı həmçinin Xperia 10 VI adlı yeni orta büdcəli smartfonunu da təqdim etməyə hazırlaşır.

Cihazlar+

Təqdimata hazırlaşan Sony Xperia 1 VI flaqman smartfonunun texniki imkanları açıqlanıb

Sony şirkəti bir neçə müddət bundan öncə elan etmişdi ki, 17 may tarixində öz yeni təqdimat tədbirini keçirəcək. Baş tutacaq tədbirdə Sony Xperia 1 VI flaqman smrtfonunun təqdim olunacağı gözlənilir.

Cihazlar+

Sony yeni geyinilə bilən kondisionerini təqdim edib! (VİDEO)

Yapon texnologiya nəhəngi “Sony” isti havalardan yorulan insanlara geyinilə bilən kondisionerilə sərinləmək fürsəti təqdim edir. Bəs "Reon Pocket 5" adlı portativ kondisioner nələr təklif edir?

Cihazlar+

Sony növbəti flaqman Xperia smartfonunun təqdimatını anons edib

Sony şirkəti öz yeni flaqman Xperia smartfonunun təqdimatını anons edib.