TCL Thunderbird Q8 SE gaming monitoru təqdim edilib - QİYMƏTİ

Cihazlar+

14.02.2025

Emil

TCL şirkəti özününü Thunderbird adlı monitor seriyasının yeni gaming modelini təqdim edib. Yeni monitor TCL Thunderbird Q8 SE (Special Edition) adlanır. Bu yeni gaming monitor 180 Hz-lik təsvir yenilənməsinə sahib 3440x1440 piksel keyfiyyətli 34 düym ölçülü mini-LED ekranla təchiz olunub. Ekranın maksimal parlaqlıq səviyyəsi 1600 nit, istifadəçi əməliyyatlarına reaksiya müddəti isə 1 millisaniyə təşkil edir. Ekran sRGB rəng diapazonunun 99%-ni, DCI-P3 rəng diapazonunun 97%-ni, Adobe RGB rəng diapazonunun isə 95%-ni əhatə edir.

Monitor özündə AMD FreeSync Premium və NVIDIA G-SYNC texnologiyalarının dəstəklərini birləşdirir. Monitor HDMI, DisplayPort 1.4, USB Type-C, USB Type-B, USB Type-A 3.0 girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi əldə edib. USB Type-C girişi vasitəsilə digər cihazları şarj etmək mümkündür. Bunun üçün o, 90 vatt çıxış gücünə sahibdir. Bununla yanaşı monitor dekorativ RGB işıqlandırmanı və 3 vatt gücündə iki ədəd səsgücləndiricini əldə edib. TCL Thunderbird Q8 SE 18 fevral tarixində Çində satışa çıxacaq və onun qiyməti 451$ təşkil edəcək. Monitorun digər regionlarda satışa çıxıb-çıxmayacağı bilinmir.

Mənbə: Gizmochina

Paylaş

tcl thunderbird q8 se

tcl

Bənzər xəbərlər