Təqdimata hazırlaşan OnePlus Pad 2 planşetinin keyfiyyətli render fotoları təqdim edilib

     OnePlus şirkəti 16 iyul tarixində OnePlus Nord 4 smartfonu ilə yanaşı həmçinin OnePlus Pad 2 planşetini də təqdim edəcək. Bu planşet bir neçə müddət bundan öncə Çində təqdim edilmiş OnePlus Pad Pro-nun qlobal bazar üçün nəzərdə tutulmuş versiyası olmalıdır. İndi isə OnLeaks ləqəbli məşhur insayder Android Headlines saytı ilə birlikdə OnePlus Pad 2-nin keyfiyyətli render fotolarını təqdim edib. Təqdim edilmiş render fotolardan belə qənaətə gəlmək olar ki, OnePlus Pad 2 planşeti xarici görünüşcə keçən ilki OnePlus Pad-ə bənzəyəcək. Planşetin arxa panelində dairəvi kamera sahəsi yerləşəcək. Ön paneldən isə planşet qalın ekran ətrafı çərçivəni əldə edəcək. OnePlus Pad 2-nin 12.1 düym ölçülü IPS ekranla təchiz olunacağı, Snapdragon 8 Gen 3 prosessoru vasitəsilə çalışacağı və özündə 67 vatt gücündə sürətli şarj texnologiyalı 9510 mAh enerji tutumlu batareyanı birləşdirəcəyi gözlənilir.