Windows 365 Link mini kompüteri təqdim edilib - QİYMƏTİ

     Ignite 2024 adlı texnoloji konfrans çərçivəsində Microsoft şirkəti özü üçün qeyri-adi olan yeni məhsulunu təqdim edib. Söhbət, Windows 365 Link adlı mini kompüterdən gedir. Bu mini kompüter gündəlik istifadə üçün nəzərdə tutulsa da, o özünün əməliyyat sisteminə sahib deyil və ona lokal şəkildə tətbiq quraşdırmaq mümkün deyil. Bu cihaz faktiki olaraq Windows 11-in bulud versiyasını, Office tətbiqlərini, Teams servisini və Windows 365 abunəliyi çərçivəsində digər servisləri işə salmaq üçün nəzərdə tutulub.

     Cihazın uzunluğu 120 mm, eni 120 mm, hündürlüyü isə 30 mm təşkil edir. Bu kiçik ölçülü cihaz özündə USB 3.2 Type-A, USB 3.2 Type-C, DisplayPort, HDMI, Ethernet girişlərini və eləcə də Wi-Fi 6E ilə Bluetooth 5.3-ü birləşdirir. Şirkət Windows 365 Link-in texniki imkanları barəsində məlumat verməyib. Lakin insayderlərin sözlərinə əsasən cihaz Intel-in giriş seqmentli prosessoru vasitəsilə çalışır və özündə passiv soyutma sistemi ilə 8 GB-lıq RAM-ı birləşdirir. Windows 365 Link gələn il 350$ qiymətində satışa çıxacaq.

Bənzər xəbərlər

Cihazlar+

Microsoft-un portativ oyun konsolu üzərində çalışdığı rəsmi şəkildə təsdiqlənib

İnsayderlər dəfələrlə məlumat veriblər ki, Microsoft-un Xbox brendi öz portativ oyun konsolu üzərində çalışır. İndi isə bu məlumatlar rəsmi şəkildə təsdiqlənib.

Proqram Təminatı

Microsoft bütün süni zəka funksiyalarını Windows Intelligence brendi altında birləşdirəcək

Görünür, Microsoft şirkəti Windows-un son versiyalarında istifadəyə verilmiş bütün süni zəka funksiyalarının əsaslı rebrendinqinə hazırlaşır.

Proqram Təminatı

Microsoft, Paint 3D tətbiqinin dəstəyini rəsmi şəkildə dayandırdı

Qeyd etmək lazımdır ki, sözügedən tətbiq 3D obyektlərin tərtibatı, redaktəsi və HoloLens kimi AR layihələr üçün nəzərdə tutulmuşdu.

Proqram Təminatı

İstifadəçilər Windows 10-un dəstəyini ödənişli şəkildə 1 il uzada biləcəklər

Windows 10-un rəsmi dəstəyi 14 oktyabr 2025-ci il tarixində dayandırılacaq. Microsoft şirkəti elan edib ki, sözügedən əməliyyat sisteminin dəstəyinin dayandırılmasından sonra istifadəçilər dəstək müddətini 1 il uzada biləcəklər.

Süni İntellekt

Microsoft Copilot-un tibbi məsləhətləri ölümə səbəb ola bilərlər

Heç kim üçün sirr deyil ki, Microsoft-un Copilot adlı rəqəmsal köməkçisi kimi süni zəka əsasında çalışan müasir çat-botların məsləhətlərinə tam şəkildə güvənmək lazım deyil.