Xiaomi heç bir fiziki düyməyə sahib olmayacaq smartfon üzərində çalışır
Dünən məlumat ortaya çıxdı ki, Xiaomi şirkəti Samsung və Huawei kimi özünün 3 qat qatlana bilən smartfonu üzərində çalışır. Ortaya çıxmış yeni məlumata əsasən Xiaomi daha bir qeyri-adi smartfon üzərində çalışır. Söhbət, heç bir fiziki düyməyə sahib olmayan smartfondan gedir. Məlumatda qeyd edilib ki, Xiaomi-nin hazırladığı bu smartfon Zhuque kod adına sahibdir.
Sözügedən qeyri-adi smartfonda idarəetmə imkanının necə reallaşdırılacağı tam aydın deyil. Ola bilsin ki, Xiaomi bu smartfona toxunuşa həssas texnologiyanı quraşdırsın. İnsayderlərin sözlərinə əsasən Xiaomi-nin heç bir fiziki düyməyə sahib olmayacaq smartfonu Snapdragon 8+ Gen 4 prosessoru vasitəsilə çalışacaq. Smartfon barəsində digər bir məlumat yoxdur. Smartfon hələ hazırlanma mərhələsindədir. Əgər hər şey yolunda getsə, şirkət onun işlək prototipini artıq gələn il təqdim edə bilər.
Paylaş
