![main-post-cover](/_next/image?url=https%3A%2F%2Fstatic.technote.az%2Fmedia%2Fposts%2Fwebp%2FH1118-L315958095_original.webp&w=3840&q=75)
Əfsanəvi DeLorean DMC-12 avtomobili müasir dizaynda elektromobil şəklində geri qayıdacaq
Nəqliyyat
03.05.2024
Farid Pardashunas
Lynx Motors şirkəti əfsanəvi DeLorean DMC-12 avtomobilinin müasir versiyası olacaq Lynx DMC-EV adlı elektromobili anons edib. Şirkət bildirib ki, elektromobil hələ hazırlanma mərhələsindədir. Buna görə də elektromobilin real deyil, render fotoları təqdim edilib. Bununla yanaşı şirkət Lynx DMC-EV-in bəzi texniki özəlliklərini açıqlayıb. Təqdim edilmiş fotolardan da görmək olar ki, Lynx DMC-EV xarici görünüşcə DeLorean DMC-12-ə bənzəyəcək. Lakin bununla belə Lynx DMC-EV tamamilə yeni gövdəyə sahib olacaq və gövdə müasir təhlükəsizlik tələbləri səbəbilə yeni texniki prinsiplər əsasında hazırlanacaq. Elektromobilin salonunda üstəlik sensorlu interfeyslər olacaq. Fotodan da görmək olar ki, Lynx DMC-EV iki nəfər sərnişin üçün nəzərdə tutulacaq.
![](https://s3.eu-central-1.amazonaws.com/technote-files/media/media/2024/05/03/lynx-dmc-ev-502-3-copy_large.webp)
Kağız üzərində yeni elektromobilin güc qurğusu olduqca maraqlı səslənir. Belə ki, mühəndislər Lynx DMC-EV-i 4 ədəd Elaphe L1600 adlı elektrikli mühərrik ilə təchiz etməyi planlaşdırırlar. Elektromobilin hansı göstəricidə at gücünə sahib olacağı qeyd edilməyib. Lakin məlumdur ki, 1 ədəd Elaphe L1600 mühərriki 155 at gücünü təmin edir. Bu isə o deməkdir ki, Lynx DMC-EV elektromobili 600 at gücündən aşağısını təmin etməyəcək. Məlumatda qeyd edilib ki, Lynx DMC-EV saatda 96 km sürəti 4 saniyəyə yığacaq. Bundan əlavə olaraq elektromobil bir dəfə şarj olunandan sonra 400 km yol qətt edə biləcək. Lynx Motors şirkəti 100 ədəd Lynx DMC-EV istehsal etməyi planlaşdırır. Onun nə zaman və hansı qiymətə satışa çıxacağı isə bilinmir.
![](https://s3.eu-central-1.amazonaws.com/technote-files/media/media/2024/05/03/lynx-dmc-ev-502-1-copy_large.webp)
![](https://s3.eu-central-1.amazonaws.com/technote-files/media/media/2024/05/03/lynx-dmc-ev-502-2-copy_large.webp)
Linki kopyala
Bənzər xəbərlər
Oxşar xəbərlər
Həftənin xəbərləri
![iPhone Plus-ı əvəz edəcək iPhone 17 Slim-in özəllikləri açıqlanıb](/_next/image?url=https%3A%2F%2Fstatic.technote.az%2Fmedia%2Fposts%2Fthumbnail%2Fiphone-17-slim-main-1280x720.jpeg&w=3840&q=75)
![Qalaktikamızın mərkəzində nadir tapılan yeni qara dəlik kəşf edilib!](/_next/image?url=https%3A%2F%2Fstatic.technote.az%2Fmedia%2Fposts%2Fthumbnail%2FBlack-Hole-Forming-in-Stellar-Cl.jpeg&w=3840&q=75)