GM istehsalı yenidən qurur

     Technote.az “TechCrunch” platformasına istinadən bildirir ki, General Motors istehsal strategiyasında böyük dəyişiklik edir və avtomobil istehsalını Çin və Meksikadan ABŞ-yə köçürməyi planlaşdırır. Bu qərar nəticəsində Kansasdakı Fairfax zavodunda istehsal olunan Chevy Bolt EV modelinin istehsalı təxminən bir il yarım ərzində dayandırılacaq.

    Bu dəyişikliklər ABŞ-də tətbiq olunan tarif siyasəti və elektrik avtomobilləri üçün federal vergi güzəştlərinin ləğvi ilə bağlıdır. Əvvəllər 7500 dollara qədər subsidiyadan yararlanan elektrik avtomobillərinin istehsalı və satışı yeni iqtisadi mühitdə daha bahalı olub.

    GM 2028-ci ildən etibarən hazırda Çində istehsal olunan növbəti nəsil Buick Envision kompakt SUV modelini Fairfax zavoduna köçürməyi planlaşdırır. Bundan əlavə, hazırda Meksikada istehsal edilən benzinlə işləyən Chevrolet Equinox modelinin də 2027-ci ilin ortalarından etibarən Kansasda istehsal olunacağı bildirilib.