Telefon asılılığına qarşı yeni üsul təqdim olunub

     Technote.az “Mashable” platformasına istinadən bildirir ki, Brick adlı ekran vaxtı məhdudlaşdıran cihaz tək istifadəçi üçün nəzərdə tutulsa da, əsl üstünlüyünü bir evdə bir neçə nəfər istifadə etdikdə göstərir. İstifadəçilərin sözlərinə görə, bu cihaz gündəlik ekran vaxtını yarıbayarı azaltmağa kömək edir.

     Brick-in işləmə prinsipi sadədir: telefonunuzdakı diqqəti yayındıran tətbiqləri bloklamaq üçün fiziki bir obyektlə qarşılıqlı əlaqə tələb olunur. Bu da standart telefon məhdudiyyətlərindən fərqli olaraq, daha ciddi və effektiv nəzarət yaradır. Brick hazırda 59 dollara satılır (bəzi endirim kampaniyalarında 20 % ucuzlaşır). Tək nəfər üçün bu məbləğ baha görünə bilər. Lakin Brick-in ən böyük üstünlüklərindən biri odur ki, eyni cihazdan bir neçə nəfər istifadə edə bilər. Brick-in rəsmi dəstək səhifəsinə görə, bir Brick üçün istifadəçi sayı limiti yoxdur. Şərt yalnız budur ki, hər istifadəçi tətbiqdə öz şəxsi hesabını yaratsın, hesablar paylaşıla bilməz. Yəni ailə üzvləri və ya eyni evdə yaşayanlar eyni Brick-dən rahatlıqla yararlana bilərlər.

     Ancaq burada vacib bir məqam var: Brick fiziki cihaz olduğu üçün yalnız eyni məkanda yaşayan insanlar arasında paylaşmaq mümkündür. Həmçinin tövsiyə olunur ki, Brick evdə sabit bir yerdə saxlanılsın. Əks halda, cihazın yerini tapa bilməmək istifadəçiləri məcburi “Emergency Unbrick” funksiyasından istifadə etməyə vadar edə bilər.