Uzun zamandır gözlənilən Tesla Cybertruck modeli qlobal bazarlarda təhvillərə başlayıb. Gələcəyin dizaynını xatırladan bu model, Meksikada təhvil verilməyə başlandıqdan bir neçə gün sonra 2 qəza hadisəsində iştirak edib. Bu qəzaların biri kifayət qədər ağır bir qəza kimi diqqət çəkib. Guadalajara şəhərində baş verən bu ağır qəzada, bir Cybertruck avtomobili aşaraq qəzaya uğrayıb və 18 yaşlı sürücü qadın maşından bayıra atılıb. Nəticədə ağır şəkildə yaralanmış qadın səki üzərində yatmış vəziyyətdə qalıb. Avtomobildəki digər 3 sərnişin isə yanğınsöndürənlər tərəfindən hidravlik avadanlıqların köməyi ilə çıxarılıb. Bu sərnişinlərdən biri 17, biri 19, digəri isə 60 yaşında olub. Digər qəzada isə 23 yaşlı sürücü park edilmiş bir yük avtomobilinə və bir evin qapısına çırpılıb. Bu qəzada xəsarət alan olmayıb.

     Hələ ölkəmizdə Tesla Cybertruck-ın sayı çox olmasa da, avtomobilin iştirak etdiyi qəzalar təhlükəsizlik problemlərini ortaya çıxarır. Bu cür qəzalar elektrikli yük avtomobillərinin istifadəsində daha çox məlumatlandırmaya ehtiyac olduğunu göstərir. Elektrikli nəqliyyat vasitələrini idarə etmək və xüsusiyyətlərindən istifadə etmək çətin ola bilər.

     Tesla hər nə qədər öz elektrikli yük avtomobilinin davamlılığına diqqət çəksə də, bu cür qəzalar bizə yeni nəsil nəqliyyat vasitələrinin fərqli olduğunu və ona görə də fərqli yanaşma tələb etdiyini göstərir. Onu da qeyd edək ki, Tesla Cybertruck-ın Meksikadakı təhvil verilməsi 25 sentyabrda başlamışdı və Meksika, Cybertruck-ın ABŞ-dan kənarda satışa çıxarıldığı ilk ölkə olmuşdur.