Uber robotaksi tərəfdaşlarına dəstək üçün yeni “Autonomous Solutions” layihəsini işə saldı

    Technote.az “The Verge” platformasına istinadən bildirir ki, Uber robotaksi sahəsində fəaliyyətini genişləndirmək üçün yeni təşəbbüsə start verib. Şirkət “Uber Autonomous Solutions” adlı layihə ilə üçüncü tərəf avtonom nəqliyyat tərəfdaşlarına infrastruktur, istifadəçi təcrübəsi və donanma idarəetməsi sahəsində dəstək göstərməyi planlaşdırır.

    Uber əvvəllər öz avtonom avtomobillərini hazırlamağa çalışsa da, bu istiqamətdə uğur qazana bilməmişdi. İndi isə şirkət strategiyasını dəyişərək robotaksi texnologiyasını özü yaratmaq əvəzinə, bu sahədə çalışan şirkətlərlə əməkdaşlığı gücləndirir. Yeni təşəbbüs çərçivəsində Uber, sürücüləri və kuryerləri üçün təqdim etdiyi xidmətləri artıq avtonom nəqliyyat tərəfdaşlarına da təklif edəcək.

    Bu tərəfdaşlar arasında Wayve, WeRide, Nuro və Waabi kimi şirkətlər yer alır. Uber bildirir ki, bir çox AV şirkətləri Waymo və Tesla kimi iri maliyyə resurslarına malik deyil və kommersiya fəaliyyətinə başlamaq üçün əlavə dəstəyə ehtiyac duyurlar.