“John Wick” filminin ikinci hissəsinin uğurundan sonra rejissor Chad Stahelski, üçüncü filmin anonsunu etdi. Öz müsahibəsində rejissor qeyd edib ki, 3-cü film, ssenarinin yazılması mərhələsindədir. 3-cü filmdə John Wick-in yenidən Nyu York şəhərinə geri qayıtması planlaşdırılır. Əsas məsələ isə çəkliş komandasını yenidən bir araya gətirməkdir. Rejissorun verdiyi məlumata əsasən sözügedən filmin çəkilişləri bu ilin sonunda baş tutmasa da, gələn ilin əvvəlində start götürəcək. Hal hazırda isə aktyor Keanu Reeves, “Siberia” filminin çəkilişlərinə görə Sankt Peterburqda yerləşir. Qeyd etmək lazımdır ki, ilk film 2014-cü ildə böyük ekranlara çıxmışdı və 90 milyon dollar gəlir gətirmişdi. Bu ilin əvvəlində isə “John Wick 2” filmi izləyicilərə təqdim olundu. 40 milyon dollar büdcə ilə çəkilmiş ikinci film, 165 milyon dollar gəlir gətirdi.