ABŞ hökumət qurumları üçün xüsusi ChatGPT versiyası olan ChatGPT Gov-u istifadəyə verilib

     Technote.az OpenAI-ya istinadən xəbər verir ki, şirkət, ABŞ hökumət qurumları üçün xüsusi ChatGPT versiyası olan ChatGPT Gov-u istifadəyə verib. Bu versiya, GPT-4o modelindən istifadə edən və korporativ müştərilər üçün nəzərdə tutulmuş ChatGPT Enterprise versiyasının əksər funksiyalarını özündə birləşdirən xüsusi bir variantdır.

     OpenAI rəsmi bloqunda bildirib ki, bu məhsullar milli maraqlara xidmət etmək, demokratik dəyərlərə uyğun olmaq və vətəndaşlar üçün dövlət xidmətlərinin yaxşılaşdırılmasına töhfə vermək məqsədilə hazırlanıb.

     Bundan əvvəl də ABŞ hökumət qurumlarının əməkdaşları gündəlik işlərində aktiv şəkildə ChatGPT-dən istifadə edirdilər. OpenAI-nin məlumatına görə, 2024-cü ildə federal, ştat və yerli səviyyədə fəaliyyət göstərən 3 500-dən çox hökumət qurumunun əməkdaşları ChatGPT vasitəsilə 18 milyondan çox mesaj göndərib.

     Yeni versiya, bu qurumlara ChatGPT-nin Microsoft Azure bulud mühiti çərçivəsində – həm kommersiya, həm də hökumət infrastrukturlarında yerləşdirilməsinə imkan verəcək. Bu dəyişiklik, dövlət IT şöbələrinin işini asanlaşdıracaq və alətin təhlükəsiz istifadəsini təmin edəcək.

     ChatGPT Gov-un işə salınması, OpenAI və SoftBank arasında ABŞ-da 500 milyard dollar dəyərində süni zəka infrastrukturunun yaradılması üzrə əməkdaşlığın elan edilməsi ilə eyni vaxta təsadüf edib.

     Lakin bu elan edildikdən sonra Stargate adlanan sözügedən layihənin maliyyələşdirilməsi ilə bağlı bəzi suallar ortaya çıxıb. The Information saytının məlumatına görə, SoftBank və OpenAI ilkin olaraq layihəyə cəmi 19 milyard dollar investisiya yatırmağı planlaşdırır. Bu isə ilk mərhələdə 100 milyard dollar sərmayə qoyulacağı barədə verilən ilkin vədlərdən xeyli azdır.

 

Bənzər xəbərlər

Tech-Biznes

OpenAI 25 milyard dollar həcmində yeni investisiya əldə edə bilər

Bloomberg-in məlumatına görə, SoftBank rəhbərliyi OpenAI ilə 15-25 milyard dollar arasında investisiya yatırımı üçün danışıqlar aparır.

Süni İntellekt

DeepSeek, OpenAI məlumatlarının oğurlanmasında şübhəli bilinir

Technote.az Bloomberg saytına istinadən xəbər verir ki, Microsoft və OpenAI şirkətləri son həftələr ərzində ətrafında böyük səs-küy yaranmış DeepSeek şirkətinin OpenAI məlumatlarını oğurladığı ehtimalının olub-olmadığını yoxlayacaqlar.

Süni İntellekt

DeepSeek böyük texnoloji şirkətlərin səhvlərini ortaya çıxardı

Çinin DeepSeek şirkətinin istifadəyə vermiş olduğu R1 adlı süni zəka modeli son günlərdə böyük səs-küyə səbəb olub. Məsələ burasındadır ki, şirkət sözügedən süni zəka modelinin hazırlanması üçün az həcmdə resurs sərf edərək süni zəka sahəsindəki qaydaları tamamilə dəyişib.

Süni İntellekt

Donald Trump və digərləri DeepSeek-in uğurlarını yüksək qiymətləndiriblər

Technote.az Reuters platformasına istinadən bildirir ki, Çinin süni zəka startapı DeepSeek-in yeni süni zəka modelinin təqdimatı investorlar arasında ABŞ şirkətlərinin süni zəka sahəsində liderliyini qoruyub saxlaya biləcəyi ilə bağlı şübhələr yaradıb. Bu modelin daha az resursla yüksək performans əldə etməsi diqqət çəkib.

Proqram Təminatı

OpenAI şirkətinin yeni süni zəka agenti internetdəki müxtəlif tapşırıqları yerinə yetirə bilir (VİDEO)

OpenAI şirkəti Operator adlı yeni süni zəka agentini təqdim edib. Təqdim edilmiş bu yeni süni zəka agenti internetdəki tapşırıqları istifadəçinin əvəzinə yerinə yetirməyə istiqamətlənib.