Apple Intelligence funksiyalarından istifadə aylıq hansı qiymətə başa gələcək?

Proqram Təminatı

09.08.2024

Emil

Apple şirkətinin iyun ayında baş tutmuş WWDC 2024 konfransı çərçivəsində təqdim etmiş olduğu Apple Intelligence adlı ekosistem hamının diqqətini cəlb etdi. Qeyd etmək lazımdır ki, bu özündə süni zəka funksiyalarını birləşdirən ekosistemdir. iPhone-lar üçün bu ekosistem iOS 18 çərçivəsində istifadəyə veriləcək. Son məlumat sızıntılarına əsasən Apple Intelligence ekosisteminin oktyabr ayında istifadəyə veriləcəyi gözlənilir. Qeyd etmək lazımdır ki, Apple Intelligence heç də həmişə pulsuz ola bilməz.

Buna görə də artıq indidən onun aylıq qiyməti barəsində məlumatlar ortaya çıxmağa başlayıb. Analitiklərin fikirlərinə əsasən Apple sözügedən ekosistemdən istifadəyə görə istifadəçilərdən aylıq 20$ məbləğində ödəniş tələb edə bilər. Digər bir variant kimi isə Apple One abunəliyi çərçivəsində 20$-dan bir qədər az məbləğ ödəməklə Apple Intelligence-dən istifadə imkanını əldə etməkdir. Qeyd etmək lazımdır ki, Apple One abunəliyinin hal-hazırda aylıq qiyməti 19.95$ təşkil edir.

Bu abunəlik özündə Apple şirkətinin müxtəlif servis və xidmətlərini birləşdirir. Onlardan birinə misal olaraq Apple Music servisini gətirmək olar. Süni zəka sahəsinə investisiyalar heç də kiçik deyillər. Məhz bu səbəbdən Apple bu xərclərini Apple Intelligence üçün abunəlik haqqı tələb etməklə aradan qaldıra bilər. Geridə qalmış rüb üzrə Apple şirkəti öz xidmət sahəsi sayəsində 24.2 milyard dollar gəlir əldə edib. Digər istehsalçıların öz proqram təminatı həllərinin monetizasiyası mövzusunda çətinliklərlə qarşılaşdıqları bir vaxtda Apple şirkəti bu sahədə özünü yaxşı hiss edir.

Paylaş

apple

apple intelligence

Bənzər xəbərlər