Instagram, CapCut-ın Edits adlı rəqibini anons edib

     Instagram-ın rəhbəri Adam Mosseri videoların redaktəsi üçün nəzərdə tutulmuş yeni tətbiqi anons edib. İstifadəyə veriləcək yeni tətbiq Edits adlanır. Mosseri bildirib ki, bu yeni tətbiq kontent yaradıcıları arasında çox məşhur olan CapCut tətbiqinin rəqibi olacaq. Qeyd etmək lazımdır ki, 19 yanvar tarixində TikTok rəsmi şəkildə ABŞ-da fəaliyyətini dayandırmazdan qısa müddət öncə onun tətbiqi App Store və Google Play-dən silindi. Lakin onunla yanaşı bu tətbiq mağazalarından ByteDance şirkətinə məxsus digər tətbiqlər də aradan qaldırıldı.

     Onların arasında CapCut da var idi. Görünür, Meta şirkəti bu imkandan faydalanmaq qərarına gəlib. Mosseri bildirib ki, Edits tətbiqi videoların redaktəsi üçün nəzərdə tutulmuş tətbiqdən daha artığı olacaq. Onun sözlərinə əsasən tətbiqdə videoların redaktəsinə istiqamətlənmiş çoxlu sayda lazımi alət mövcud olacaq. İstifadəçilər bu tətbiq vasitəsilə ağıllarına gələcək maraqlı ideyaları digərləri ilə də bölüşə biləcəklər. Mosseri qeyd edib ki, Meta şirkəti bu tətbiq üzərində artıq bir neçə aydır çalışır. Tətbiqin mart ayında istifadəyə veriləcəyi gözlənilir.

Bənzər xəbərlər

Sosial Media

Mark Zuckerberg demokratları Meta şirkətinə təzyiqdə günahlandırıb (VİDEO)

Donald Trump-ın ABŞ-dakı yeni prezidentlik dövrü 20 yanvar tarixindən başlayacaq. Lakin onun öz prezidentlik vəzifəsinə hələ başlamamasına baxmayaraq onun müxtəlif sahələrə təsiri artıq nəzərəçarpandır.

Sosial Media

TikTok planetimizin atmosferini ən çox çirkləndirən sosial şəbəkədir

Greenly şirkəti TikTok istifadəçilərinin bu məşhur platformanı istifadə etmələri səbəbilə qoyduqları karbon izinin miqdarını təyin edib. Məlum olub ki, TikTok istifadəçiləri atmosferi digərlərindən daha çox çirkləndirirlər.

Sosial Media

Instagram-da videolara süni zəka vasitəsilə müxtəlif dəyişikliklər əlavə etmək mümkün olacaq

Instagram yaxın zamanda süni zəka əsaslı yeni funksiyanı istifadəyə verəcək. İsitfadəyə veriləcək funksiya Instagram daxilində videolara dəyişikliklər əlavə etməyə imkan verəcək.

Sosial Media

Instagram-da test məqsədli Reels funksiyası istifadəyə verilib

Instagram tərtibatçıları məşhur servisə yeni funksiya əlavə ediblər. Söhbət, test məqsədli Reels paylaşımlardan gedir. Bu funksiya istifadəçiyə qısa Reels videonu öz abunəçiləri ilə paylaşmamaq imkanını verir.

Sosial Media

Sosial media platformaları artıq nüvə enerjisi ilə işləyəcək!

Facebook, WhatsApp, Instagram və Messenger kimi sosial media platformalarının sahibi olan Meta, 2030-cu illərin əvvəlindən etibarən gigavat səviyyəsində nüvə enerjisi istifadə etməyə başlayacaq.