Kənar tərtibatçılar üçün Apple Intelligence-ə pulsuz çıxış imkanı verilib

     Apple yeni Foundation Models adlı framework-u təqdim edib. Bu framework vasitəsilə sistem daxilində Apple Intelligence tərəfindən istifadə olunan lokal süni zəka modellərinə üçüncü tərəf tərtibatçıların çıxışı təmin olunur. Əvvəllər bu texnologiyalar yalnız Apple-ın daxili tətbiqlərində mövcud idi, lakin indi artıq müstəqil tərtibatçılar da bu imkanlardan istifadə edə biləcəklər. Məlumata əsasən üçüncü tərəf tətbiqlər artıq istifadəçilərə Apple Mail-də tətbiq olunan funksiyalara bənzər süni zəka əsaslı imkanlar təqdim edə biləcəklər. Məsələn, məktubların avtomatik xülasəsi və ya şəxsi öyrənmə alqoritmləri kimi funksiyalar

     Apple misal olaraq belə bir ssenarini göstərib: İstifadəçiyə uyğunlaşdırılmış testlər yarada bilən öyrədici bir tətbiq bu texnologiya vasitəsilə qurula bilər. Modellər Apple Silicon çiplərində lokal olaraq işləyir, buna görə internet bağlantısına ehtiyac duymur və bulud əsaslı API xərcləri ilə bağlı deyil. Bu, əlavə xərc olmadan süni zəka funksiyalarının tətbiqinə imkan verir və eyni zamanda məlumatların məxfiliyini qoruyur. Foundation Models framework-u iOS 26 və ona uyğun digər yeniləmələrlə birlikdə əlçatan olacaq. Tərtibatçılar bu framework-dan tamamilə pulsuz istifadə edə biləcəklər.