Qlobal miqyasda təxminən 10 min şəhərdə xidmət göstərən platforma, daha əvvəl çox sadə bir məntiq üzərində işləyirdi. İndi isə istifadəçilər daha əhatəli xidmət almaq imkanı əldə edəcəklər. Belə ki, artıq UBER-i hansı şəhərdə istifadə etməyinizdən asılı olmayaraq, orta qiymət məlumatını və gözləmə müddətini öyrənə biləcəksiniz.

     UBER-in yeni funksiyasının ən diqqətçəkən cəhəti, getmədiyiniz şəhərlər haqqında da məlumat əldə edə bilməyinizdir. Beləliklə, səyahət planı qurmağa hazırlaşsanız, digər ölkələrdəki UBER qiymətləri haqqında ilkin məlumat əldə etmək imkanınız olacaq. UBER-dən alacağınız orta qiymət məlumatlarını ziyarət edəcəyiniz şəhərlərdəki ictimai nəqliyyat vasitələri ilə müqayisə edə biləcəksiniz.