TPM 2.0, 2016-2017-ci illərdə istehsal edilmiş bir çox kompüterdə mövcuddur. Köhnə kompüterlər ümumiyyətlə etibarlı platforma modulu ilə təchiz olunmadığından, onlar rəsmi olaraq Windows 11-i dəstəkləmirlər. Bununla belə, Windows 11-i TPM 2.0 ilə təchiz olunmayan cihazlara qeyri-rəsmi quraşdırmağın yolları var  Üstəlik, Windows 11, bu kompüterlərdə əla işləyir.

     Reddit-də bir istifadəçi, Rufus proqramından istifadə edərək 2014-cü il tarixli Intel N2940 prosessoru ilə noutbukunda Windows 11-i quraşdırdığını və kompüterin 7 saniyə ərzində işə düşdüyünü və hətta oyun oynaya bildiyini paylaşıb. O, həmçinin bildiriş mərkəzi, WiFi və Parametrlər paneli daxil olmaqla hər şeyin Windows 10-dan təxminən 50% daha sürətli şəkildə yükləndiyini söyləyib. İstifadəçinin etdiyi yeganə dəyişiklik 2 GB RAM-ı 4 GB-a qədər artırmaq və SSD əlavə etmək olub. İstifadəçi, Windows 11-i quraşdırdıqdan sonra ümumiyyətlə optimallaşdırmaq üçün heç bir şey etmədiyini, lakin RAM ilə bağlı problemlərin qarşısını almaq üçün svchost-u redaktə etdiyini bildirib. Bəzi istifadəçilər, Microsoft-un Windows 11-i köhnə cihazlarda rəsmi şəkildə dəstəkləməsi üçün təkmilləşdirməli olduğunu söyləyirlər.