Windows 12 ənənəvi Start düyməsindən məhrum ola bilər
Proqram Təminatı
Əməliyyat sistemləri
26.10.2023
Farid Pardashunas
Dünən Qualcomm özünün Snapdragon X Elite adlı yeni desktop prosessorunu təqdim edən zaman Microsoft şirkətinin CEO-su Satya Nadella bildirdi ki, növbəti Windows süni zəka əsaslı funksiyaların təsirləri altında dəyişikliyə məruz qala bilər. Nadella ola biləcək dəyişikliklər barəsində konkret bir məlumat verməsə də onlardan birinə işarə edib. Onun sözlərinə əsasən növbəti Windows-un dizaynı intellektual köməkçidən istifadə sayəsində əməliyyat sisteminin rahatlığına istiqamətlənə bilər.
Windows Copilot Microsoft və OpenAI şirkətləri arasında olan əməkdaşlıq çərçivəsində hazırlanır və o, Cortana-nın daha təkmilləşdirilmiş versiyası olmalıdır. "Copilot əməliyyat sisteminin Start düyməsinə bənzəyir. O sizin tətbiqlərinizlə olan bütün qarşılıqlı əlaqənin təşkilatçısı rolunda çıxış edir. Məsələn mən Copilot-u aktivləşdirib ona nələri etmək istədiyimi bildirirəm. Copilot isə öz növbəsində ya məni lazımi tətbiqə yönləndirir ya da lazımi tətbiqin funksionallığını öz üzərinə götürür. Bu, istifadəçinin davranışlarını tamamilə dəyişir" - deyə Nadella qeyd edib.
Jurnalistlərin fikirlərinə əsasən bu bəyanatla Nadella növbəti Windows-da Start düyməsinin Copilot interfeysi ilə əvəzlənəcəyinə işarə edib. Qeyd etmək lazımdır ki, Copilot adlı süni zəka köməkçisi artıq Windows 11-in test versiyalarına inteqrasiya edilib. Lakin süni zəkanın əməliyyat sisteminə daha dərin şəkildə inteqrasiyası yalnız bir yeni düymə ilə məhdudlaşmayacaq. Nadella-nın sözlərinə əsasən bu cür səviyyədə inteqrasiya üçün əməliyyat sistemi tamamilə yeni arxitekturaya sahib olmalıdır.
Linki kopyala
Bənzər xəbərlər
Oxşar xəbərlər
Microsoft məlumatları minilliklər ərzində saxlaya biləcək yeni yaddaş texnologiyasını hazırlayır (VİDEO)
Microsoft məlumatları minilliklər ərzində saxlaya biləcək yeni yaddaş texnologiyasını hazırlayır (VİDEO)
Microsoft şirkəti özünün tədqiqat şöbəsinin Project Silica adlı yeni layihə üzərində çalışdığını elan edib.
Windows 11-in məşhurluq səviyyəsi Micreosoft-u sözün yaxşı mənasında təəccübləndirib
Windows 11-in məşhurluq səviyyəsi Micreosoft-u sözün yaxşı mənasında təəccübləndirib
Windows Central saytı Microsoft-un daxili sənədlərinə əsaslanan maraqlı statistikanı təqdim edib.
Həftənin xəbərləri
