Azercell növbəti dəfə ISO 37001:2016 “Antikorrupsiya idarəetmə sistemi” standartları üzrə sertifikata layiq görülüb

     “Azercell Telekom” MMC ISO 37001:2016 “Antikorrupsiya idarəetmə sistemi” standartları üzrə sertifikatını uğurla yeniləyib. ABŞ-ın ən böyük akkreditasiya qurumu olan ANAB (ANSI National Accreditation Board) tərəfindən akkreditə olunmuş Türkiyənin Denetik Belgelendirme şirkətinin 30-31 oktyabr 2023-cü il ərzində keçirdiyi sertifikatlaşdırma auditi Azercell-in antikorrupsiya proqramının bütün tələblərə cavab verdiyini bir daha təsdiq edib və sertifikatın vaxtı üç ilədək uzadılıb. ISO 37001 standartı Beynəlxalq Standartlaşdırma Təşkilatı (ISO) tərəfindən 2016-cı ildə dərc edilib və korrupsiyaya qarşı mübarizə sahəsində  qlobal səviyyədə qəbul edilmiş yeganə standart hesab edilir.

     Beynəlxalq standartlara uyğunluq sertifikatı Azercell-in Hüquq, Etika və Komplayens üzrə Baş Direktoru Şirin Əliyevaya təqdim olunub. Ş.Əliyeva Azercell-in bu sertifikatı əldə edən ilk mobil operator olduğunu vurğulayaraq şirkətin korrupsiya ilə mübarizə proqramının tətbiqi və təşviqində məqsədyönlü və qətiyyətli addımlar atdığını bildirib. 

     Qeyd edək ki, uzun müddətdir ki, Azercell-də xüsusi antikorrupsiya proqramı tətbiq olunur. Proqramın əsas istiqaməti korrupsiyanın qarşısının alınmasına xidmət etmək, biznes etikası davranışının təbliği, bu istiqamətdə işçi heyəti və üçüncü şəxslərə (biznes tərəfdaşları, müştərilər, təchizatçılar və s.) davamlı təlimlərin təşkil edilməsi, korrupsiya halları ilə bağlı məlumatvermə kanallarının yaradılması, komplayens standartlarının effektiv tətbiqinin yoxlanılması, pozuntu hallarının araşdırılması və korrupsiya risklərinin azaldılması üzrə müvafiq tədbirlərin görülməsi və s. aiddir.

 

Bənzər xəbərlər

Reklam və Marketinq

Azercell Yeni il ərəfəsində yeni Samsung kampaniyasını təqdim edir!

Xüsusi təklif çərçivəsində abunəçilərə 12 ay boyunca 1GB internet paketi hədiyyə ediləcək

Reklam və Marketinq

Azərbaycanın aparıcı mobil operatoru İqlim Fəaliyyətinə qoşulub

Azercell GSMA ilə strateji tərəfdaşlıq çərçivəsində mobil sənayeni sıfır karbon emissiyasına yaxınlaşdırmaq üzərində çalışacaq

Reklam və Marketinq

Azercell “Təhlükəsiz internet”in təbliğinə start verir

Layihə uşaqlar üçün nəzərdə tutulmuş beynəlxalq təhlükəsizlik məktəbinin proqramı əsasında həyata keçirilir

Reklam və Marketinq

Azercell Taksit layihəsini təqdim edir

Azercell nömrəsi əldə etmək istəyən müştərilərə faizsiz hissə-hissə ödəmə imkanı veririləcək

Reklam və Marketinq

Azercell BMT-nin Qlobal Sazişinə qoşulub

Mobil operator Dayanıqlı İnkişaf Məqsədlərinin həyata keçirilməsi istiqamətində çalışacaq