ABŞ'ın məhkəmə proseslərində emojilərin mənalarının aydınlaşdırılmasından istifadə edilir
Sosial Media
19.02.2019
Farid Pardashunas
ABŞ məhkəmələrində işlərin baxılması prosesi zamanı emojilərin mənalarının aydınlaşdırılması məsələsinə son zamanlar daha çox diqqət ayrılır. Bu barədə The Verge saytı xəbər verib. Məlumata əsasən bu cür təşəbbüslər hələ 2004-cü ildə reallaşdırılmışdı. Lakin son zamanlarda bu cür üsullara daha çox diqqət ayrılır. Belə ki, son zamanlarda məhkəmə proseslərində emojilərdən istifadə halları daha çox artıb. Məsələn 2018-ci ildə bu cür üsuldan istifadə edilmə halları 30% təşkil etmişdi.
The Verge saytı bu məsələdə seksual xidmətlərin təşkil olunmasında, seksual xidmətlərdə iştirak edən qadınlar üzərində nəzarətin olunmasında və onların gəlirlərinin bir hissəsinin mənimsənilməsində günahlandırılan bir şəxsin məhkəmə prosesini misal gətirib. Belə ki, həmin şəxs mesaj vasitəsilə digər bir şəxsə ayaqqabı, tac və pullarla dolu olan torba stikerlərini göndərib. Sözügedən şəxsi günahlandıran tərəfin fikrincə mesaj vasitəsilə göndərilmiş bu emojilər sayəsində günahlandırılan şəxsin seksual xidmətlərdə iştirak edən qadınlarla əlaqəsinin olduğu faktını sübut etmək mümkün olub.
The Verge saytının jurnalistlərinin fikrincə əsas problem ondan ibarətdir ki, hüquqşünaslar bu və ya digər emojinin hansı məna daşıdığını anlaya bilmirlər. Demək olar ki, hər zaman emojinin mənası hansısa çatdakı və mesajdakı kontekst ilə sıx bağlı olur. Beləliklə emojinin mənasının səhv aydınlaşdırılması öz növbəsində hansısa şəxsi günahlandıran tərəfin və ya günahlandırılan şəxsin qorunması ilə məşğul olan tərəfin mövqelərinin güclənməsinə səbəb ola bilər. Bəzi hallarda isə emojilərin mənalarının düzgün aydınlaşdırılmaması ədalətsiz məhkəmə qərarlarına yol aça bilər.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ