Dünyada ilk dəfə məhkəmədə qalib gəlmiş məşhur internet memi
Sosial Media
25.01.2018
Farid Pardashunas
Grumpy Cat kimi tanınan məşhur pişik öz sahibəsi Tabatha Bundensen-ə 710.000$ vəsait qazandırıb.
Belə ki, “Grumpy Cat Limited” adlı
şirkət müəllif hüquqlarını pozmuş Grenade adlı coffee shop ilə olan məhkəmədən
qalib ayrılıb. “Grumpy Cat Limited” və Grenade 2013-cü ildə müqavilə
bağlamışdılar. Həmin müqaviləyə əsasən Grenade pişiyin təsvirini özünün
Grumppuccino adlı içkisinin satışında istifadə edə bilərdi. Lakin Bundensen-in
iddiasına görə 2015-ci ildə Grenade razılıq çərçivəsindən kənara çıxaraq Grumpy
Cat markası altında üyüdülmüş qəhvə və Grumppuccino köynəkləri satmağa başladı.
Coffee shop-un Grumpy Cat markasını yalnız Crumppuccino içkisinin satışında
istifadə oluna biləcəyi xəbərdarlığına isə Grenade heç reaksiya verməyib.
Bundan sonra isə pişiyin sahibəsi məhkəməyə baş vurub. Grenade-nin vəkilləri də
öz növbələrində Bundensen-in şirkətinin razılaşma şərtlərini pozduğunu
bildiriblər. Belə ki, onların iddialarına əsasən pişik lazımi videoçəkilişlərdə
iştirak etməyib. Lakin nəticədə məhkəmə “Grumpy Cat Limited” şirkətinin tərəfini
tutub. Qeyd etmək lazımdır ki, narazı üz ifadəsinə sahib pişik 2012-ci ildə məşhurlaşdı.
2014-cü ildə isə Bundensen Grumpy Cat brendi sayəsində 100 milyon dollara yaxın
vəsait qazandı.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ