Facebook Android istifadəçilərin zəng və SMS məlumatlarını yığır
Sosial Media
26.03.2018
Farid Pardashunas
Facebook-la olan qalmaqal getdikcə
daha da böyüməyə başlayır və istifadəçilər şəxsi məlumatlar ilə bağlı yeni
narahatedici məlumatlar aşkar etməyə başlayıblar. Belə ki, Dylan McKay adlı Twitter
istifadəçisi bildirib ki, o, Facebook-un Android üçün olan tətbiqinin yüklənmiş
fayllarında zənglərin və SMS-lərin tarixçələrini aşkar edib. Ars Technica
saytının jurnalistləri öyrəniblər ki, sosial şəbəkədə dostluğa təklif olunan şəxslər
üçün nəzərdə tutulmuş alqoritmlərin təkmilləşdirilməsi üçün Facebook istifadəçidən
zənglərin və SMS-lərin tarixçələri barəsində məlumatları tələb edir.
Sosial şəbəkə
Messenger-i ismarışlar üçün standart tətbiq kimi yükləmiş istifadəçilərin məlumatlarını
yığır. Qeyd etmək lazımdır ki, artıq bir neçə müddətdir ki, Facebook məlumatların
yığılması özəlliyini qeyri-məcburi edib. Belə ki, tətbiqin birinci dəfə işə
salınması zamanı istifadəçiyə zəng və SMS məlumatlarının yığılıb-yığılmaması təklifi
edilir. Bu məsələdə narahatedici məqam isə ondan ibarətdir ki, Android tətbiqində
məlumatların yığılması prosesinin yüngülləşdirilməsindən öncə Facebook illərlə
istifadəçilərin məlumatlarını yığıb. Google şirkəti bu məlumatlara keçid siyasətini
dəyişsə də Facebook proqramçıları sistem boşluğundan istifadə ediblər.
Bu cür
sistem boşluğu iOS-də müşahidə olunmayıb. Belə ki, bir çox tətbiqlərdə sadəcə
olaraq zəng və SMS məlumatlarına keçid imkanı yoxdur. Buna görə də Facebook
iPhone cihazlarında bu məlumatları təyin etmir. Facebook şirkəti isə öz növbəsində
bu bəyanatlara reaksiya verib. Şirkət düşünür ki, sosial şəbəkə ilə bağlı kontaktlar
barəsində məlumatları istifadə edən bir tətbiq üçün bu tamamilə normaldır. “Sizə
əlaqə saxlamaqda yardımçı olan xidmətlərin və tətbiqlərin əsas hissəsi ondan
ibarətdir ki, onlar sizin əlaqə saxlamaq istədiyiniz insanların axtarışını sadələşdirirlər.
Siz ismarışların mübadiləsi və ya sosial tətbiqə ilk dəfə daxil olduğunuz zaman
o adətən sizin kontaktlarınız haqqında məlumatları yükləyir” – deyə Facebook
bildirib. Bununla belə Facebook hələ də bəzi suallara cavab verməyib. Şirkət bu
cür məlumatları nə vaxtdan yığır? Və əgər istifadəçi məlumat yığımına icazə
verirsə həmin məlumat yığımı altında istifadəçinin hansı vacib məlumatları
yığılır?
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)