'Facebook' Instagram üçün ayrıca messenceri təqdim etdi
Sosial Media
07.12.2017
Farid Pardashunas
“Facebook” şirkəti Instagram servisi üçün ayrıca messencer yaratmağı qərara aldı.
Artıq 4 ildir ki, Direct ismarıc
bölməsi Instagram servisinin daxilində fəaliyyət göstərir və indiyənə kimi bir
sıra dəyişikliklərə məruz qalıb. Lakin onu Instagram-dan ayırıb ayrıca bir tətbiq
halına gətirmək qərarına gəldilər. Bu barədə The Verge saytı xəbər verib.
Direct tətbiqini öz cihazınıza yüklədikdən sonra Instagram servisində bu bölmə
avtomatik olaraq yox olacaq. Bundan sonra isə bütün ismarıclar Direct adlı
ayrıca tətbiqdə əks olunacaq. Direct 3 bölmədən ibarətdir.
Birinci bölmə vasitəsilə
istifadəçi smartfonun kamerasına daxil ola bilər. Beləliklə o, foto çəkə, lazım
gəldikdə onu redaktə edib dostlarına göndərə bilər. Foto redaktə etməyi sevənlər
üçün burda Instagram-da olmayan 4 yeni filtr mövcuddur. Tətbiqin ikinci bölməsi ismarıcları əks etdirir, üçüncü bölməsi isə hesabı ayarlamağa imkan verir.
Direct tətbiqindən birbaşa Instagram-a da keçid etmək mümkündür. Artıq yeni tətbiqi
6 ölkənin (Çili, İsrailç İtaliya, Türkiyə, Portuqaliya və Uruqvay) istifadəçiləri
test edə bilərlər. Tətbiq həm Android həmdə iOS platformalarında aktivdir.
Direct-in digər ölkələrdə nə zaman aktiv olunacağı barədə isə hələki məlumat
yoxdur.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!