Facebook şirkəti artıq bir neçə aydır ki, yeniyetmələr üçün LOL adlı tətbiqin testini aparır. Bu barədə Techcrunch saytı xəbər verib. Faktiki olaraq LOL, internet memlərdən, GIF-lərdən və gülməli videolardan ibarət ana səhifədir. İstifadəçilər həmçinin ora öz videolarını da yükləyə bilərlər. Videolar, GIF-lər və internet memlər Facebook-un müxtəlif qruplarından yığılaraq müxtəlif kateqoriyalar üzrə sıralanır: For you, Animals, Fails, Pranks və s.

    Bundan əlavə olaraq LOL-da paylaşmaq düyməsi və videoların göndərilməsi üçün URL ünvanların qeyd olunması bölməsi də var. Facebook şirkəti LOL üzərində çalışdığını təsdiqləyib və qeyd edib ki, o hələki ilkin test mərhələsindədir. Hal hazırda LOL ABŞ-ın yüzlərlə məktəbliləri tərəfindən test edilir. Şirkət həmçinin qeyd edib ki, LOL dəqiq şəkildə Watch bölməsinin bir hissəsi olmayacaq. Lakin bunun ayrıca tətbiq və ya servis şəklində olub-olmayacağı barəsində də heç bir məlumat yoxdur.