Instagram administrasiyası bu və ya digər istifadəçini dost siyahısından pozmadan müəyyən müddətlik ondan abunəliyi ləğv etmək funksiyasını test edir. Bu barədə The Verge saytı xəbər verib.

Bu funksiyanın istifadəçilər üçün nə zaman aktiv olunacağı isə bilinmir. Bu yeni funksiyadan əlavə olaraq Instagram həmçinin Stories paylaşımları üçün reaksiya funksiyasını da test edir. Bu funksiya sayəsində istifadəçilər qısa Stories paylaşımlarına qrafik emojilər vasitəsilə öz münasibətlərini bildirə biləcəklər.

Həmçinin servisə slow-mo rejimində çəkim özəlliyi də əlavə oluna bilər. Son yenilik isə ondan ibarətdir ki, Instagram-a Stories paylaşımlarının tarixçəsi əlavə olunacaq. Bu funksiya sayəsində istifadəçilər müəyyən tarix üzrə öz Stories paylaşımlarını tapa biləcəklər. Çox güman ki, sonuncu funksiya yalnız smartfon yaddaşında saxlanmış Stories paylaşımlarına aid ediləcək.