Instagram daha bir maraqlı yenilik ilə istifadəçilərini sevindirdi!
Sosial Media
23.05.2017
Artıq Instagramda istəməyərək sildiyiniz və ya məcburən silməli olduğunuz şəkillərinizi silmək əvəzinə arxiv bölməsinə göndərə bilərsiniz.
Instagram-ı demək olar ki hər
birimiz istifadə edirik, bəzilərimiz isə psixopatlıq dərəcəsində gününün
haradasa hər anının şəkilini çəkib burada paylaşır. Bəzən aralarında
sildiyimizə peşman olduğumuz ya da hərhansı bir səbəbdən silmək məcburiyyətində
qaldığımız paylaşımlar ola bilir. Instagram, paylaşdığı son yenilənmə ilə
istifadəçilərin bu problemlərini həll edəcək bir xüsusiyyət gətirdi.
İstifadəçilər, bundan sonra
profillərində görünməsini istəmədikləri şəkilləri silmədən birbaşa olaraq Arxiv
adındakı yeni bölməyə köçürə biləcəklər. Şəkilinizin sağ üst hissəsində
yerləşən 3 nöqtəyə toxunduğunuzda Paylaş, Dəyişdir kimi xüsusiyyətlərin yer aldığı
sahədə yer alan Arxivin işləmə prinsipi də olduqca sadədir. Bu bölməyə
toxunduğunuzda şəkiliniz artıq profilinizdə görünməyəcək və Arxivdə yadda
saxlanılacaq.
Xüsusiyyətin belə bir üstün
cəhəti də mövcuddur: İstəsəniz paylaşımınızı təkrar profilinizə əlavə edə
bilirisiniz. Profilinizdə görünməsini istədiyiniz bu şəkil, ilk yüklədiyiniz
tarixdə görüləcək – Arxivdən çıxartdığınız tarixdə yox.
Bu xüsusiyyətin daha çox bir
küsən, bir barışan sevgililərin köməyinə çatacağını düşünürük. Nə vaxtsa
həyəcanla paylaşılan, onlarla bəyənmə və şərhin gəldiyi o şəkilləri bir anlıq
əsəblə sildikdən sonra yaşanılan sarsıntı, zənnimizcə bu xüsusiyyətlə son
tapacaq.
Əgər bu xüsusiyyəti
görmürsünüzsə, hələki yenilənməni almamısınız deməkdir. İstəyirsinizsə elə indi
əməliyyat sisteminizin marketinə baş çəkib yenilənmənin gəlib-gəlmədiyini
yoxlaya bilərsiniz.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!