Bu barədə Instagram-ın özü xəbər verib. Stories bölməsində sorğu yaratmaq üçün sorğu düyməsi kimi təqdim olunan xüsusi stikeri seçmək lazımdır. Bu cür Stories paylaşımını etmiş şəxs, sorğunun nəticələrini real zamanda görə biləcək. Səsverənlər isə səsvermədən sonra nəticələri görə bilərlər. Sonda isə səsvermələrin nəticələri, Stories paylaşımı ilə birlikdə 24 saatdan sonra avtomatik olaraq pozulacaq.

Bununla yanaşı Instagram, tərtibat üçün bir sıra yeni funksiyalar da əlavə edib. Əlavə olunmuş yeni özəlliklər arasında mətn rənginin seçimi, rəsm çəkmək üçün fırça düyməsi və mətn ilə stikerlərin tarazlaşdırılması yer alır. Yeni funksiyalar, Instagram-ın 16-cı və ya daha yuxarı versiyaları üçün hər iki platformada (Android və iOS) aktiv olacaq.