Messencerin həmtəsisçisi bir neçə müddət bundan öncə bildirmişdi ki, şirkət, WhatsApp-a ödəniş sistemini əlavə etməyi planlaşdırır. Beləliklə WhatsApp-a yaxın müddət ərzində Payments adlı yeni funksiya əlavə olunacaq. Bu funskiya vasitəsilə istifadəçilər, birbaşa messencerin köməyilə pul göndərə və ya əldə edə biləcəklər. Pul köçürmələri isə UPI adlı ümumi bank ödəniş sistemi vasitəsilə reallaşdırılacaq. Hələki bu funksiyanın hansı ölkələrdə aktiv olacağı və WhatsApp-ın, həmin pul köçürmələrindən faiz çıxacağı barədə məlumatlar yoxdur. WhatsApp-a pul köçürmələri funksiyasının əlavə olunması xəbəri hələ bu ilin Aprel ayında yayılmışdı. Həmin vaxtda şirkət saytında rəqəmsal tranzaksiyalar üzrə mütəxəssis vakansiyası peyda olmuşdu.