İtlər Facebook-a şəkil yükləməyi öyrəniblər

Pedigree şirkəti Saatchi & Saatchi Madrid reklam agentliyi ilə birlikdə The Posting Tail cihazını təqdim edib. Bu cihaz itlərin Facebook-a şəkil yükləmələrinə köməklik edəcək. Bundan əlavə olaraq cihaz təsadüfi şəkilləri deyil məhz itin xoşuna gələcək şəkilləri sosial şəbəkəyə yükləyəcək. The Posting Tail cihazı kameradan və itin quyruğunun hərəkətlərini izləyən sensorlardan ibarət jiletdir. Əgər it nəyisə görüb quyruğunu aktiv şəkildə hərəkət etdirsə akselerometr kameraya həmin görüntünün şəklini çəkib itin sosial şəbəkədəki istifadəçisinə yükləməyi əmr edəcək. Jiletdə olan 3G vasitəsilə şəkillər Wi-Fi olmadan belə yüklənəcək. GPS texnologiyası isə şəkilin harada çəkildiyini qeyd edəcək. Bundan əlavə olaraq jilet Raspberry Pi çipi ilə təchiz olunub. Bu çip vasitəsilə adi və təsadüfi quyruq hərəkətləri nəzərə alınmayacaq. Pedigree şirkətinin fikrincə The Posting Tail təkcə əyləncə funksiyası daşımır. Bu texnologiya həmdə itlərin nədən xoşlarının gəldiyini sahiblərinə çatdırmaq üçün vasitəçi rolunu oynayacaq. Cihazın satışa çıxması haqqında isə hələki heç bir məlumat yoxdur.