Bu ilin fevral ayından ölkəmizdə marketinq mütəxəssisləri tərəfindən təşkil olunan ilk “Marketing MeetUp”, ənənəvi görüşlərini bu dəfə iftar süfrəsində keçirəcəkdir.

İyun ayının 15 də “Marketing M-eating” adıyla təşkil olunan iftar süfrəsində Hell Energy Azerbaijan, Avrora Group, İnci Group of Companies (Ofisait), 189 Taxi, Mado, Azərsun, ButamÇay, Buket.al , Maxcreative, Technote.az, Endorphin Agency və digər şirkətlərin rəhbərləri və marketinq müdirləri iştirak edəcəkdir.

"Marketing M-eating" adlandırılan görüşdə 30-a yaxın marketoloqun iştirakı nəzərdə tutulub. Azərbaycanda ilk Marketing MeetUP təşkil edən və 6 aydır ki, bu ənənəni davam etdirən mütəxəssislər birlikdə iftar açaraq hər görüşdə olduğu kimi bu dəfə də ölkədəki marketinq problemlərinin müzakirə edib, fikir mübadiləsi aparacaqlar. Qeyd edək ki, MeetUp-ın keçirilmə səbəbi ölkəmizdə bu sahənin inkişafı, yeni məhsulların tanıtımını təşkil etməkdir.