Dünən məlum oldu ki, Montana TikTok servisini öz ərazisində tamamilə qadağan etmiş ilk ABŞ ştatı oldu. Montana ştatının qubernatoru tərəfindən imzalanmış yeni qanun 1 yanvar 2024-cü il tarixində qüvvəyə minəcək. İndi isə məlum olub ki, Montana ştatındakı TikTok istifadəçilərindən 5 nəfər şəxs federal məhkəmədə iddia qaldıraraq TikTok-un qadağan edilməsi üçün nəzərdə tutulmuş yeni qanunu bloklamağı tələb ediblər.

    Məhkəmə iddiasını qaldırmış şəxslərin fikirlərinə əsasən ştatın yeni qanunu ABŞ Konstitusiyasında edilmiş birinci düzəlişi pozur. ABŞ Konstitusiyasında edilmiş birinci düzəliş isə öz növbəsində söz azadlığının təmin olunmasına təminat verir. Məhkəmə iddiasında həmçinin qeyd edilib ki, ştatın milli təhlükəsizliyin təmin olunması üçün öz səlahiyyətlərindən istifadə etmək niyyətində olmasına baxmayaraq ştata bu səlahiyyətləri heç kim təqdim etməyib. Ştat rəsmiləri bildiriblər ki, onlar bu cür məhkəmə addialarını gözləyirdilər və baş verə biləcək potensial məhkəmə proseslərində iştirak etməyə hazırdılar.