Snapchat tarixində ilk dəfə servisin dizaynı tamamilə dəyişilir və yeniliklər əlavə olunur
Sosial Media
29.11.2017
Farid Pardashunas
Snapchat istifadəçilərinə yaxşı xəbər var. Belə ki, servis yaradıcıları Snapchat-ın var olduğu 6 il müddətində ilk dəfə servisin yeni dizaynını təqdim ediblər.
Bu barədə Business Insider saytı
xəbər verib. Bundan sonra tətbiqin interfeysi daha da rahat olacaq. Qeyd etmək
lazımdır ki, istifadəçilər köhnə interfeysin qəlizliyindən çox şikayət edirdilər.
Beləliklə Snapchat-ın əsas yeniliyi ondan ibarətdir ki, dostların paylaşımları,
KİV və əməkdaşların materiallarının əks olunduğu sahə bir-birilərindən
ayrılıblar. Bundan sonra kamera düyməsindən solda dostların paylaşımları, sağ tərəfdə
isə digər paylaşım və xəbərlərin əks olunacağı sonsuz Discover ana səhifəsi yerləşəcək. Oxunmamış ismarıclar isə ana səhifənin əvvəlində əks olunacaqlar.
“Snap”
şirkətinin əməkdaşları bildiriblər ki, dostların və digər mənbələrin
paylaşımları arasındakı sərhədin bir qədər ortadan qaldırılması maraqlı təcrübədir.
Lakin onun öz mənfi xüsusiyyəti var. Söhbət fake xəbərlərdən gedir. Bundan əlavə
olaraq dostların paylaşdıqları Stories paylaşımlarının əks olunması ardıcıllığı
da dəyişdirilib. Əvvəllər həmin paylaşımlar xronoloji şəkildə əks
olunurdularsa, indi siz ilk öncə ən çox ünsiyyətdə olduğunuz dostlarınızın
maraqlı Stories paylaşımlarını görəcəksiniz. Hal hazırda yenilənmiş Snapchat
yalnız bir sıra istifadəçilər üçün aktivdir. Lakin yaxın bir neçə həftə ərzində
o, bütün istifadəçilər üçün təqdim olunacaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)