Toyuq yumurtası fotosu rekord bəyənmə sayı yığaraq Instagram'ın ən məşhur fotosu oldu

    Instagram-da world_record_egg adlı hesabda olan toyuq yumurtası fotosu 25 milyondan çox bəyənmə sayı əldə edərək Instagram tarixinin ən məşhur fotosu oldu. Bundan əvvəlki rekord isə amerikalı model Kylie Jenner-ə məxsus idi. Belə ki, 2018-ci ilin fevral ayında Kylie Jenner həmin vaxtda dünyaya gəlmiş qız övladı ilə olmuş fotosunu Instagram-da paylaşmışdı və həmin foto 18.2 milyondan çox bəyənmə sayı yığmışdı. Qeyd etmək lazımdır ki, world_record_egg adlı Instagram hesabında 4 yanvar tarixində paylaşmış bir foto var və o foto toyuq yumurtasına aiddir. Sözügedən aksiyanın ideyasının kimə məxsus olduğu isə bilinmir.