WhatsApp-da səhvən göndərdiyiniz ismarıca görə artıq peşman olmayacaqsınız (YENİLİK)
Sosial Media
27.10.2017
Farid Pardashunas
WhatsApp-da yeni funksiyanın əlavə olunması barədə neçə aylardır ki, şaiyələr gəzirdi.
Lakin beta versiyalarda həmin
funksiya lazımi dərəcədə yaxşı çalışmırdı. Nəhayət ki, bu yeni funksiya mütəmadi
şəkildə çalışmağa və yavaş-yavaş hamı üçün aktiv olmağa başlayıb. Yeni
funksiya sayəsində hansısa ismarıcı göndərmiş şəxs həmin ismrıcı bütün
cihazlardan silə biləcək. Həmin ismarıc nəinki sizin messencerinizdən, həmdə
ismarıc göndərilmiş şəxsin messencerindən də silinəcək. Bu funksiya əsasən o
hallarda yaxşıdır ki, əgər istifadəçi səhvən hansısa ismarıcı və ya faylı digər
şəxsə göndərib.
Lakin burda 3 nüans var. İlk növbədə siz göndərilmiş ismarıcı
yalnız 7 dəqiqə ərzində silə bilərsiniz. İkincisi əgər ismarıcı göndərdiyiniz şəxs
messenceri açıb həmin ismarıcı oxusa, onda sizin, həmin ismarıcı silməyinizlə
ikinci şəxsin onu screenshot etməsinə mane olacaqsınız. Üçüncü nüans isə ondan
ibarətdir ki, ismarıcın silinməsi barəsində heç bir bildiriş gəlmir. Yəni
ismarıcın silinməsi sorğusu həqiqətən də uğurlu şəkildə baş tutub-tutmaması
bilinmir.
Yeni funksiya hələki bir sıra istifadəçilər üçün aktivdir. Lakin
yaxın zamanda hamı üçün təqdim ediləcək. İlk öncə yeni funksiya Android istifadəçiləri
üçün aktiv olacaq. Yeni funksiyadan istifadə etmək üçün pozmaq istədyiniz
ismarıcı seçirsiniz və yuxarı hissədəki zibil qutusunu klikləyirsiniz. Bundan
sonra sizin qarşınıza seçim çıxacaq. İsmarıcı lokal şəkildə silmək və ya bütün
cihazlarda silmək.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)