Whatsapp-ın yenilənmiş versiyasında istifadəçilər qrup çatlarına yeni insanları əlavə edə bilən istifadəçiləri məhdudlaşdıra biləcəklər. Bu barədə Gagadget saytı xəbər verib. Tərtibatçılar messencerdə yeni bölmənin olacağını anons ediblər. Həmin bölmədə istifadəçilər qrup çatına kimlərin yeni insanları dəvət edə biləcəklərini seçə biləcəklər.

    Bunun üçün sadəcə olaraq konfidensiallıq ayarlarına daxil olub təqdim olunacaq 3 variantdan birini seçmək lazım olacaq: "Everyone", "My contacts" və "Nobody". Seçim o qədər də böyük olmasa da, bu üsulla istifadəçiləri lazımsız bildirişlərdən kənarlaşdırmağa müəyyən mənada nail olunacaq. Hal hazırda bu funksiya test rejimində çalışır və yalnız bəzi istifadəçilər üçün aktivdir. Yaxın zamanda isə qrup çatlarında bu ayarı hamı aktivləşdirə biləcək.