Elon Musk Forbes tarixinin ən varlı şəxsi statusunu əldə edib

    Tesla şirkətinin müsbət rüb hesabatı və Hertz şirkətinin çoxlu sayda Tesla elektromobillərini sifariş etməsi elektromobil istehsalçısının bazar dəyərinin 1 trilyon dollara yüksəlməsinə səbəb olub. Bunun sayəsində isə Elon Musk Forbes reytinqi tarixinin ən varlı şəxsi statusunu əldə edib. Bu həftə Musk-ın sərvəti 271.3 milyard dollar dəyərində qiymətləndirilirdi. Bu göstərici isə keçən həftənin cümə günündə olmuş göstəricidən 41.7 milyard dollar çoxdur.

    Musk-ın sərvətinin bu cür yüksək templə artımı Tesla səhmlərinin qiymətinin 13% yüksəlməsi ilə bağlıdır. Forbes-un verdiyi məlumata əsasən Musk-ın sərvəti hal hazırda ilk dəfə olaraq 300 milyard dollara yaxınlaşıb. Daha öncə planetin ən varlı şəxsləri reytinqinə Amazon şirkətinin keçmiş CEO-su Jeff Bezos rəhbərlik edirdi. Bu ilin iyul ayında Amazon şirkətinin səhm qiymətləri pik göstəricidə idilər. Bunun sayəsində Bezos-un sərvəti 212 milyard dollara yüksəlmişdi. Musk-ın sərvətinin əsas hissəsini onun Tesla-dakı 21% payı təşkil edir.