Elon Musk Twitter əsasında WeChat-a bənzər supertətbiq yaratmağı planlaşdırır

Elon Musk Twitter əsasında WeChat-a bənzər supertətbiq yaratmağı planlaşdırır

Startup və Biznes
06.10.2022 PAYLAŞIM

    Bir neçə gün bundan öncə məlum oldu ki, Elon Musk yenidən Twitter-i 44 milyard dollara almaq həvəsinə düşüb. Verilmiş məlumata əsasən Musk-ın Twitter barəsində irimiqyaslı planları mövcuddur. Belə ki, o, Twitter əsasında məşhur WeChat-a bənzər supertətbiq yaratmaq niyyətindədir. Hal hazırda Musk-ın dəqiq şəkildə Twitter-i alacağı təsdiqlənməyib. Qeyd etmək lazımdır ki, aprel ayında Musk sözügedən sosial şəbəkəni alacağını elan edəndən bir müddət sonra bu fikirdən imtina etmişdi. Belə ki, o, Twitter-də mövcud olan fake istifadəçi hesablarının ümumi faiz göstəricisini öyrənmək istəyirdi və Twitter tərəfindən bu mövzuda təqdim edilmiş məlumatlar onu qane etməmişdi.

    Nəticədə Twitter məhkəməyə müraciət edərək Musk-ı sosial şəbəkəni məcbur şəkildə almağa sövq etməyi hədəflədi. Bir neçə gün bundan öncə isə məlum oldu ki, Musk-ın nümayəndələri sosial şəbəkənin nümayəndələrinə məktub göndəriblər və həmin məktubda Musk-ın Twitter-i almağa hazır olduğu qeyd edilib. Bunun olacağı halda Musk dünyanın ən nüfuzlu media platformalarından birinin sahibinə çevriləcək. Hələ bir neçə müddət bundan öncə o öz Twitter hesabında qeyd etmişdi ki, sosial şəbəkənin alınması onun “hər şey üçün nəzərdə tutulmuş tətbiq” layihəsinin reallaşdırılması prosesini sürətləndirəcək. Həmin qısa tweet-dən sonra Musk heç bir əlavə məlumat vermədi.


    Lakin çox güman ki, söhbət, WeChat-a bənzəyən irimiqyaslı layihədən gedir. Musk dəfələrlə Çinin Tencent şirkətinə məxsus olan WeChat tətbiqindən necə heyran qaldığını söyləyib. Belə ki, Tencent faktiki olaraq WeChat messenceri daxilində kiçik internet yaradıb və milyarda yaxın çinli gün ərzində ondan istifadə edir. Bundan əlavə olaraq Musk bir neçə qeyd edib ki, Twitter WeChat və TikTok-a bənzəyərək daha çox fayda verə bilər. Bloomberg saytının fikrincə Musk WeChat-ı digərlərindən fərqləndirən 5 əsas faktora istinadən öz layihəsini işə salmaq istəyir. Həmin faktorlar aşağıdakılardır:

- WeChat adi sosial şəbəkədən daha artıq olan bir tətbiqdir. Yüz milyonlarla insan gün ərzində WeChat-dan istifadə edərək taksi və yemək sifariş edir, restoranlarda yerlərin bronlaşdırılmasını reallaşdırırlar. Bütün bunlar WeChat daxilində olan kiçik tətbiqlər vasitəsilə həyata keçir. Həmin kiçik tətbiqlər isə vahid interfeysə qoşulu olurlar

- WeChat Çində ən böyük ödəniş və maliyyə sistemlərindən biri olan fintech nəhəngidir. İnsanlar WeChat vasitəsilə məhsulların və xidmətlərin ödənişlərini edir, bir-birilərinə pul vəsaitləri göndərir və hətta kredit də götürürlər

- WeChat Çinin ən məşhur xəbər və əyləncə portallarından biridir

- Bu çox güclü biznes platformadır. WeChat daxilində reallaşdırılmış kiçik tətbiqlərin iqtisadiyyatı 2021-ci ildə 240 milyard dollarlıq dövriyyəyə çatmışdı

- WeChat özündə Facebook, Instagram, Twitter, Uber Substack platformalarının imkanlarını birləşdirən universal servisdir.

Nəticədə Musk-ın WeChat-a bənzər supertətbiq yaradıb-yaratmayacağını zaman göstərəcək.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple Google servislərini iOS-dən sıxışdırıb çıxartmaq niyyətindədir

Apple şirkəti öz mobil əməliyyat sistemini Google tərəfindən təqdim edilən funksiyalardan azad etmək..


Microsoft ChatGPT-nın yaradıcısı OpenAI şirkətinə milyardlarla dollar investisiy..

Microsoft rəsmi şəkildə elan edib ki, o, OpenAI şirkəti ilə uzunmüddətli əməkdaşlığını genişləndirir..


İrlandiya Meta şirkətini 400 milyon dollar dəyərində cərimələyib

İrlandiyanın məlumatların qorunması komissiyası Meta şirkətini 400 milyon dollar dəyərində cərimələy..


SpaceX şirkətinin bazar dəyəri 137 milyard dollara yüksəlib

Elon Musk-a məxsus olan SpaceX şirkəti özəl şirkət olaraq qalır. Buna görə də o öz maliyyə göstərici..


Elon Musk tarixdə 200 milyard dollar vəsait itirmiş ilk şəxs oldu

Elon Musk təəccübləndirməyə davam edir. 1 ildən bir qədər çox müddət bundan öncə Musk dünyanın ikinc..


Meta 2018-ci ildə baş vermiş Cambridge Analytica qalmaqalı səbəbilə 725 milyon d..

2018-ci ildə məlum olmuşdu ki, Meta şirkəti (həmin vaxtda şirkət adı Facebook) siyasi konsaltinq sah..

×