Counterpoint Research analitik şirkəti mobil prosessorlar bazarı mövzusunda bu ilin birinci yarısının statistik məlumatlarını təqdim edib. Mobil prosessor bazarının ilk 3 lideri dəyişilməz olaraq qalıb. Lakin onların bazarda sahib olduqları pay göstəricilərində dəyişiklik baş verib. Beləliklə geridə qalmış rüb göstəricilərinə əsasən mobil prosessorlar bazarının lideri kimi MediaTek şirkəti qalır. Şirkət bu bazarın 30%-nə sahibdir. Daha öncəki rübdə isə bu göstərici 33% təşkil etmişdi.

    Reytinqin ikinci yerini Qualcomm tutub. Şirkət bazarın 29%-nə sahibdir. Keçən rüb bu göstərici 27% təşkil etmişdi. Üçüncü yerdə Apple qərarlaşıb. Şirkət bazarın 19%-nə sahibdir. Keçən rüb bu göstərici 26% təşkil etmişdi. Dördüncü yeri 15%-lik bazar payı ilə Unisoc şirkəti, beşinci yeri isə 7%-lik bazar payı ilə Samsung şirkəti tutub. Analitiklərin fikirlərinə əsasən MediaTek şirkəti orta və büdcəli seqmentdə müxtəlif növ prosessorlara sahib olduğundan o, bazarın böyük hissəsini idarə edir.