Microsoft, PayPal, IBM, Adobe, Apple və digər şirkətlər Rusiyada fəaliyyətlərini dayandırıblar

Microsoft, PayPal, IBM, Adobe, Apple və digər şirkətlər Rusiyada fəaliyyətlərini dayandırıblar

Startup və Biznes
07.03.2022 PAYLAŞIM

    Ukraynada baş verən müharibə səbəbilə Rusiyada fəaliyyətini dayandıran şirkətlərin sayı getdikcə artır. Rusiyada fəaliyyətini dayandırmış şirkətlər arasına artıq Microsoft, Apple, Samsung, IBM, PayPal, Adobe, Apple və s. var. Qeyd etmək lazımdır ki, Rusiyada həmçinin Facebook Instagram da bloklanıb. Sözügedən şirkətlərin təmsilçiləri bu məsələ ilə bağlı fikirlərini səsləndiriblər. Microsoft şirkətinin direktorlar şurasının prezidenti olan Brad Smith bildirib ki, Microsoft-un məhsulları ilə xidmətlərinin Rusiyada təqdim edilməsi dayandırılıb. Bununla yanaşı o qeyd edib ki, şirkət əməkdaşları Ukraynada baş verən hadisələrdən şokdadırlar. Adobe şirkətinin rəhbəri Shantanu Narayen şirkətin korporativ bloqunda bildirib ki, Adobe Rusiyada bütün yeni məhsulların satışlarını dayandırıb.

    Bundan sonra Rusiya vətəndaşları Photoshop, Premiere Pro və şirkətin digər məhsullarını rəsmi şəkildə ala bilməyəcəklər. Məlumatda qeyd edilib ki, daha öncədən Adobe şirkətinin məhsullarını əldə etmiş şəxslər onlardan istifadə etməyə davam edə biləcəklər. Lakin həmin məhsullardan istifadə müddətinin uzadılması mümkün olmayacaq. Samsung şirkətinə gəldikdə isə məlumata əsasən o öz smartfonları ilə prosessorlarının Rusiyada satışlarını müəyyən müddətlik dayandırıb. Samsung bildirib ki, bunun əsas səbəbi mövcud olan logistik problemlər ilə bağlıdır. Mastercard Visa ödəniş sistemləri həmçinin rəsmi olaraq bildiriblər ki, onlar Rusiyadakı fəaliyyətlərini dayandırırlar.


    Sözügedən ödəniş sistemlərinin bəyanatlarında qeyd edilib ki, Mastercard və Visa-nı dəstəkləyən bank kartları Rusiya daxilində çalışmağa davam edəcəklər. Lakin həmin bank kartlarından Rusiyadan kənarda istifadə etmək mümkün olmayacaq. Qeyd etmək lazımdır ki, hələ keçən həftə Apple şirkəti öz məhsullarının Rusiyada satışlarını rəsmi şəkildə dayandırmışdı. Bundan əlavə olaraq Meta şirkəti Rusiyada Facebook və Instagram üçün reklam targetinqini deaktiv edib. Bundan sonra rusiyalı reklamverənlər həm Rusiya həm də digər ölkələr üzrə öz məhsullarının reklamlarını Facebook-da və Instagram-da yerləşdirə bilməyəcəklər. Bu cür qərarın ardınca Facebook ilə Instagram Rusiyada rəsmi olaraq bloklanıb.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Twitter səhmdarları Elon Musk-ı və Twitter-in özünü məhkəməyə veriblər..

Bu üsul ilə onlar Twitter-in Musk-a satılması üzrə müqavilə prosesinin xaotik getməsinə narazılıqlar..


SpaceX ABŞ-ın ən bahalı özəl şirkəti statusunu əldə edib

SpaceX səhmlərinin təkrar bazarda satılması nəticəsində şirkətin bazar dəyəri 125 milyard dollara yü..


Dünyada üçüncü yer: Xiaomi smartfonlarının aktiv istifadəçi kütləsi 500 milyon i..

Counterpoint Research şirkətinin verdiyi məlumata əsasən bu ilin birinci rübündə Xiaomi şirkəti öz t..


Twitter-in alınmasından imtina halında Elon Musk-ın 1 milyard dollar cərimə ödəm..

Bir neçə gün bundan öncə Elon Musk Twitter-in satın alınması prosesinin dayandırıldığını elan etmişd..


Elon Musk Twitter-in satın alınma prosesini dayandırıb: Səbəb nədir?

Keçən ayın ortasından başlayaraq Elon Musk-ın Twitter-i almaq planı barəsində məlumatlar ortaya çıxm..


Azərbaycanda yeni Mələk İnvestorlar Klubu yaradıldı

'Technovate Investments' vençur və ya 'startup studio' modeli ilə işləyir. Bu startaplar ilə işləyə..

×