SpaceX ABŞ-ın ən bahalı özəl şirkəti statusunu əldə edib

SpaceX ABŞ-ın ən bahalı özəl şirkəti statusunu əldə edib

Startup və Biznes
19.05.2022 PAYLAŞIM

    SpaceX səhmlərinin təkrar bazarda satılması nəticəsində şirkətin bazar dəyəri 125 milyard dollara yüksəlib. Bu barədə Reuters saytı öz mənbələrinə istinadən xəbər verib. Hal hazırda SpaceX-in bir səhminin qiyməti təkrar bazarda 72$ təşkil edir. Bu isə keçən ilin oktyabr ayındakı göstəricisindən yüksəkdir. Belə ki, həmin vaxtda şirkətin bir səhminin dəyəri 56$ təşkil edirdi və şirkətin bazar dəyəri 100 milyard dollar qiymətləndirilmişdi. Səhmlərin təkrar bazara yerləşdirilməsi çərçivəsində yeni səhmlər dövriyyəyə buraxılmır. Lakin Reuters saytnın mənbələrindən birinin verdiyi məlumata əsasən SpaceX şirkəti bunun bu ilin sonuna kimi baş verəcəyini bildirib. Satışa çıxarılmış səhmlərin sayı barəsində məlumat verilməyib. Onların təkrar bazarda satılması bahalı özəl şirkətlər üçün adi praktikadır.

    Bu, ilkin investorlar ilə şirkət əməkdaşları üçün aktivlərin likvidliklərinin (aktivlərin bazarda əhəmiyyətli qiymət fərqi olmadan və dəyər itkisi yaratmadan tez reallaşdırıla (satıla) bilməsi qabiliyyətidir) təmin edilməsi üçün edilir. Bu satışlarda Elon Musk-ın iştirak edib-etmədiyi də məlum deyil. Qeyd etmək lazımdır ki, o, SpaceX aktivlərinin 44%-nə sahibdir. Beləliklə SpaceX ABŞ-dakı özəl şirkətlər arasında ən bahalı şirkət statusunu əldə edib. O, online ödənişlər üçün nəzərdə tutulmuş Stripe servisini (114 milyard dollar bazar dəyəri) geridə qoyub. Dünyada isə SpaceX ikinci ən bahalı özəl şirkətdir. Birinci yeri TikTok-un sahibi olan ByteDance (140 milyard dollar bazar dəyəri) şirkəti tutur. Nizamlayıcı orqanlara təqdim edilmiş sənədlərə əsasən SpaceX keçən ay 1.16 milyard dollar investisiya əldə edib. Qeyd etmək lazımdır ki, şirkət bu ilin əvvəlindən artıq 19 uçuş missiyası reallaşdırıb. Reallaşdırılmış uçuş missiyaları arasında astronavtların BKS-ə (Beynəlxalq Kosmik Stansiya) və müxtəli növ yüklərin kosmosa göndərilməsi var.




DAHA ÇOX


Elon Musk-ın Neuralink şirkətinin bazar dəyəri 5 milyard dollara yüksəlib

Elon Musk-ın beyin implantının hazırlanması ilə məşğul olan Neuralink şirkətinin bazar dəyəri 2 il b..


Apple şirkəti ABŞ hərbi qüvvələri üçün AR cihaz hazırlayan Mira adlı startapı al..

Apple şirkəti digər şirkətlər və ABŞ-ın hərbi qüvvələri üçün AR cihazların hazırlanması ilə məşğul o..


Generativ süni zəka sahəsinin həcmi 10 il ərzində 1 trilyon dollardan çox olacaq..

Süni zəka əsaslı ChatGPT və Google Bard çat-botlarının istifadəyə verilmələri İT sahənin generativ s..


Elon Musk yenidən dünyanın ən varlı şəxsi olub

Bloomberg dünyanın ən varlı şəxsləri reytinqini yeniləyib.


Xiaomi endirimli alış-verişlər çərçivəsində 4 saat ərzində 580 milyon dollar qaz..

Çində hər il keçirilən 618 adlı endirimli alış-verişlərə start verilib.

×