Tesla şirkəti Cənubi Koreyada elektromobil istehsalı ilə bağlı zavodun inşasını planlaşdırır

Tesla şirkəti Cənubi Koreyada elektromobil istehsalı ilə bağlı zavodun inşasını planlaşdırır

Startup və Biznes
24.11.2022 PAYLAŞIM

    Tesla şirkətinin Şanxayda olan zavodunun təkmilləşdirilməsindən sonra o, il ərzində demək olar 1 milyon ədəd elektromobil istehsal edə bilər. Bununla da sözügedən zavod Çinlə yanaşı onun ətrafındakı digər ölkələri və hətta Avropa bazarını elektromobillərlə təmin edə bilər. Lakin bu, Elon Musk-ın Cənubi Koreyada zavod inşası planını aradan qaldırmır və o, Cənubi Koreyanın bu təklifi üzərində düşünəcəyinə söz verib. Cənubi Koreya hökumətinin sözlərinə əsasən bu məsələ ilə bağlı konkret qərarlar artıq gələn il verilə bilər.

    Verilmiş məlumata əsasən Cənubi Koreya prezidenti olan Yoon Suk Yeol ilə Musk arasında videokonfrans formatında yarım saatlıq görüş baş tutub. Görüş çərçivəsində Musk-ın Cənubi Koreya iqtisadiyyatına ciddi vəsaitlərin investisiyası ilə bağlı fikirlərini dinlədikdən sonra prezident onu Koreya iqtisadiyyatına investisiya yatırmağa çağırıb və qeyd edib ki, ümumilikdə ölkə dünya standartlarına cavab verən inkişaf etmiş avtomobil sənayesinə və investisiyalar üçün şərtlərə sahibdir.


    Musk isə öz növbəsində qeyd edib ki, Tesla özünün avtonom idarəetmə və süni zəka sistemlərində Koreya istehsalı olan yüksək keyfiyyətli komponentlərdən istifadə edir. Koreyanın nazirliklərindən birinin təmsilçiləri bildiriblər ki, Tesla həqiqətən də Cənubi Koreyada zavod inşası ilə bağlı onlarla danışıqlar aparır. Bu məsələdə Tesla üçün bir neçə ərazi təklif edilib və məlumatda qeyd edilib ki, bu barədə dəqiq qərarlar artıq gələn il verilə bilər. Qeyd etmək lazımdır ki, Tesla həmçinin Hindistan, İndoneziya və Yaponiyada da zavodların inşa edilməsini nəzərdən keçirdir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Videokartlar bazarı 2009-cu ildən indiyənə kimi ən böyük düşüşü yaşayıb..

Jon Peddie Research adlı təqiqat şirkəti bu ilin üçüncü rübü üzrə videokart bazarının vəziyyəti barə..


Böyük Britaniyada Meta şirkətinə qarşı məhkəmə iddiası qaldırılıb

Böyük Britaniyada Meta şirkətinə qarşı məhkəmə iddiası qaldırılıb. Səbəb isə şirkətin istifadəçi məl..


Cybertruck-ın satışlarına start verilmədiyi halda Tesla artıq onun vasitəsilə 15..

2019-cu ildə Tesla şirkəti özünün ilk elektrikli pikapı Tesla Cybertruck-ı təqdim etmişdi. Həmin vax..


Foxconn-un iPhone istehsalı ilə məşğul ən böyük zavodunda işçilər etiraz aksiyas..

Reuters saytının verdiyi məlumata əsasən Foxconn şirkətinin elektron məhsulların istehsalı ilə məşğu..


Google öz işçiləri üçün reytinqlər sistemini tətbiq edəcək

İqtisadi durğunluğun olduğu bir vaxtda Google şirkəti öz işçiləri üçün reytinqlər sistemini istifadə..


FTX-dan sonra Genesis kriptovalyuta birjası da iflasa uğraya bilər

Kriptovalyuta bazarının daha bir böyük təmsilçisi iflasın astanasındadır.

×