AI startup Tavus-un “AI Santa”sı uşaqlar və valideynlərlə saatlarla danışa bilir

    Technote.az “TechCrunch” platformasına istinadən bildirir ki, səs və üz klonlama texnologiyaları ilə tanınan Tavus adlı AI startapı artıq ikinci ildir ki, “AI Santa” adlı təcrübəsini istifadəyə verir. Bu xidmət valideynlərə və uşaqlara virtual Şaxta Baba ilə video, mətn və ya telefon vasitəsilə ünsiyyət qurmağa imkan yaradır.

    Pulsuz qeydiyyatdan sonra istifadəçilər AI Santa ilə söhbət edə, ondan Yeni il üçün hədiyyə diləklərini bölüşə, bayram planları barədə danışa və “şuluq” yoxsa “səliqəli” siyahısında olduqlarını öyrənə bilirlər. Bu il şirkət AI Santa-nın daha inkişaf etmiş versiyasını təqdim edib. Yenilənmiş Şaxta Baba daha ifadəli, daha emosional və istifadəçinin mimika və jestlərini real vaxtda “görüb” anlamaq qabiliyyətinə malikdir. Tavus-un “PAL” adlandırdığı bu AI agenti istifadəçilərin əvvəlki dialoqlarını və maraqlarını yadda saxlayaraq daha fərdiləşdirilmiş ünsiyyət yaradır.