Reklam
Alimlər Günəşin həyat dövrünün xronologiyasını tərtib edərək onun nə zaman öləcəyini müəyyənləşdiriblər

Alimlər Günəşin həyat dövrünün xronologiyasını tərtib edərək onun nə zaman öləcəyini müəyyənləşdiriblər

Süni zəka və Elm
15.08.2022 PAYLAŞIM

    Günəş bir gün öləcək. Lakin alimlər bunun nə zaman baş verəcəyini aydınlaşdırıblar. Məlum olub ki, həmin vaxta kimi insanlar artıq Yer kürəsində olmayacaqlar. Fransız astronomlar Gaia adlı kosmik teleskop vasitəsilə əldə edilmiş məlumatlar sayəsində Günəşin həyat dövrünün ölüm müddətinə kimi olan xronologiyasını tərtib ediblər. Maraqlısı ondadır ki, Günəşin həyat dövrünün bitməsindən çox zaman öncə insanlar artıq Yer kürəsində olmayacaqlar və bunun üçün çox vacib bir səbəb var. Fransız alimlər Süd Yolu qalaktikasının ulduzlarının müşahidəsi və xəritəsinin tərtib edilməsi ilə məşğul olan Gaia teleskopunun məlumatlarını analiz ediblər. Tədqiqatın əsas məqsədi bizim Günəşin nə zaman öləcəyini təyin etmək olub. Bunu öyrənmək üçün alimlər Günəşə bənzər ulduzların axtarışında olublar. Belə ki, həmin ulduzlar vasitəsilə onlar bizim ulduzun həyat dövrünü izləyə və bunun nəticəsində onun həyat dövrünün detallı xronologiyasını öyrənə bilərdilər.


    Günəş sarı cırtdan sinifinə daxil olan ulduz növüdür və onun yaşı təqribi olaraq 4.57 milyard il təşkil edir. Sözügedən sinifə daxil olan ulduzlar 0.87-1.15 Günəş kütləsinə4.7 min-5.7 min dərəcə Selsi temperatura sahib olurlar. Bizim Günəşin səthində olan temperatur göstəricisi 5.5 min dərəcə Selsi təşkil edir. Beləliklə alimlər Günəşə bənzəyən ulduzların axtarışında olan zaman müxtəlif yaşa sahib və Günəşə bənzəyən 5863 ədəd ulduz təyin ediblər. Daha sonra onlar həmin ulduzların arasından Günəşin özəlliklərinə çox yaxın olan özəlliklərə sahib olan ulduzları seçiblər. Alimlərin sözlərinə əsasən digər ulduzların həyat dövrlərinin müşahidəsi əsasında Günəşin gələcək tarixi aşağıdakı kimi olmalıdır:

- Bir neçə milyard il ərzində Günəşin temperaturu artmağa davam edəcək. Bununla belə onun temperaturu və parlaqlığı hər milyard il ərzində təqribi olaraq 10% artacaq. Təqribi olaraq 8 milyard il sonra Günəş ən pik temperatura və parlaqlığa sahib olacaq

- Günəşin əsas tərkib hissəsini təşki edən hidrogen tükəndikdən sonra onun nüvəsi sıxılmağa başlayacaq. Bununla belə Günəşin xarici atmosferi çox genişlənəcək və bu genişlənmə hətta Mars planetinin orbitinə kimi çata bilər. Günəş təqribi olaraq 10-11 milyard il yaşa sahib olan zaman qırmızı nəhəngə çevriləcək

- Daha sonra Günəşdəki bütün hidrogen ilə helium tükənəcək, nüvənin ətrafındakı bütün maddə kosmosa ifraz ediləcək və həmin maddədən planetar dumanlıq yaranacaq. Günəşin nüvəsi isə elə bir səviyyəyə kimi sıxılacaq ki. bizim ulduzumuz öz həyat dövrünün sonunda ağ cırtdana çevriləcək. Ağ cırtdanın soyuması üçün əlavə olaraq bir neçə milyard il vaxt lazım olacaq.

    Lakin ən maraqlısı ondadır ki, alimlərin fikirlərinə əsasən insanlar Yer kürəsində əlavə olaraq yalnız 1 milyard il ərzində yaşaya biləcəklər. Bunun səbəbi ondadır ki, yuxarıda qeyd edildiyi kimi Günəşin parlaqlığı 10% yüksələndən sonra Yer kürəsi artıq həyat üçün münbit şəraitə sahib olmayacaq. Alimlər ümid edirlər ki, əgər insanlar bu milyard il ərzində bir-birilərini məhv etməsələr, onlar gələcək texnologiyalar vasitəsilə qalaktikamızın digər planetlərinə köçə biləcəklər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Ay Yer kürəsi ilə digər planetin toqquşmasından bir neçə saat sonra formalaşmış ..

Məşhur olan fərziyyəyə əsasən milyardlarla il bundan öncə Yer kürəsinin nəzəri hesab edilən Teya adl..


Alimlər: 'Süd Yolu qalaktikasında Yer kürəsinə bənzər planetlərin mövcud olma eh..

Bu və ya digər planetdə həyatın yaranması üçün planet ilk növbədə öz ulduzu ətrafında yaşayış zonası..


Marsın Cənub qütb regionunda yeraltı göl mövcud ola bilər

Alimlər artıq uzun illərdir ki, Marsda maye şəklində su tapmağa ümid edirlər. Bu cür kəşf öz növbəsi..


Qara dəliklər partlaya bilirlərmi?

Qara dəliklər çox böyük kütləyə sahib kosmik obyektlərdir və onlar öz ətraflarında olan akresiya dis..


NASA-nın kosmik aparatı uğurlu şəkildə asteroidlə toqquşub (VİDEO)

Tarixdə ilk dəfə insan əli ilə hazırlanmış kosmik aparat asteroid ilə toqquşub.


NASA-nın kosmik aparatı gecə saatlarında asteroidlə toqquşacaq (VİDEO)

NASA-nın Double Asteroid Redirection Test (DART) adlı missiyası artıq final mərhələyə yaxınlaşır...

×