OpenAI insidentindən sonra Hugging Face iki tələb irəli sürdü

    Hugging Face-in həmtəsisçisi və baş direktoru Klément Delangue OpenAI-dan son təhlükəsizlik insidenti ilə bağlı iki əsas addım atmasını istəyib. O, şirkətdən həm hadisənin bütün texniki izlərini ictimaiyyətə açıqlamağı, həm də açıq mənbəli kibertəhlükəsizlik alətlərinin hazırlanması üçün 100 milyon dollar dəyərində hesablama gücü ayırmağı tələb edib.

    Delangue bildirib ki, OpenAI insident zamanı istifadə olunan süni intellekt agentlərinin bütün fəaliyyət qeydlərini paylaşmalıdır. Onun fikrincə, bu məlumatlar tədqiqatçılara hadisəni ətraflı araşdırmağa və gələcəkdə oxşar hücumların qarşısını almağa kömək edəcək. O, bunu "radikal şəffaflıq" adlandırıb. Hugging Face rəhbərinin ikinci tələbi isə pul kompensasiyası deyil. O, OpenAI-dan təxminən 100 milyon dollar dəyərində hesablama resursu ayıraraq Hugging Face icmasının kibermüdafiə alətləri hazırlamasına dəstək verməsini istəyib. Delangue hesab edir ki, bu cür görünməmiş hadisə görünməmiş cavab tələb edir. 

    Hadisənin araşdırılması zamanı Hugging Face maraqlı problemlə üzləşib. Hücumu analiz etmək üçün hücum zamanı istifadə olunan kodu kommersiya süni intellekt sistemlərinə göndərmək mümkün olmayıb. Bu sistemlər hücum edənlə müdafiə olunan tərəfi ayırd edə bilmədiyi üçün analizi rədd edib. Nəticədə Hugging Face araşdırma üçün öz serverlərində işləyən, Çinin Z.ai şirkəti tərəfindən hazırlanan GLM 5.2 açıq modelindən istifadə edib. Şirkətin məlumatına görə, model 17 mindən çox əməliyyatı təhlil edərək insidentin araşdırılmasına və məhdudlaşdırılmasına kömək edib.