Reklam
Perseverance aparatı Marsdakı qədim çay deltasında çoxlu sayda orqanik birləşmə aşkar edib

Perseverance aparatı Marsdakı qədim çay deltasında çoxlu sayda orqanik birləşmə aşkar edib

Süni zəka və Elm
16.09.2022 PAYLAŞIM

    Perseverance aparatı Jezero kraterindəki qədim çay deltasında dağ süxuru nümunələrini yığaraq Mars səthindəki fəaliyyətini davam etdirir. NASA mütəxəssislərinin verdikləri məlumata əsasən Perseverance tərəfindən yığılmış nümunələrdə çoxlu sayda orqanik molekullar aşkar edilib və həmin molekullar özlərində karbonu birləşdirirlər. Bu isə onu göstərir ki, 3.5 milyard il bundan öncə Jezero krateri potensial həyat növü üçün əlverişli münbit şəraitə sahib olmuş ola bilər.

    “Jezero kraterindəki qədim çay deltasından əldə edilmiş dağ süxurlarının analizləri onu göstərib ki, həmin nümunələr çoxlu sayda orqanik maddəni özlərində birləşdirirlər. Bu, Perseverance missiyası çərçivəsində aşkar edilmiş ən böyük orqanik maddə konsentrasiyasıdır” - deyə Perseverance layihəsinin elmi əməkdaşı Ken Farley qeyd edib.


    18 ay bundan öncə Mars səthinə eniş etmiş Perseverance aparatının əsas missiyası planetin səthində qədim mikrob həyat növünün tapılmasıdır. Bunun üçün aparat potensial orqanik maddələri özlərində birləşdirən dağ süxuru nümunələrini yığır. 7 iyul tarixindən Perseverance 4 ədəd bu cür nümunə tapıb. Ümumilikdə isə aparat 12 ədəd dağ süxuru nümunəsini əldə edib. Qədim çay deltasında olan çöküntü süxurlar özlərində mürəkkəb orqanik molekulları birləşdirirlər.

    Bundan əlavə olaraq dağ süxurlarının tərkiblərində gil sulfat minerallar var. Bunlar isə suyun dağ süxurları ilə qarşılıqlı əlaqəsi zamanı yaranan birləşmələrdir. “Əsas olan odur ki, bu süxurlar özlərində sulfat ilə gili birləşdirirlər. Bu o deməkdir ki, sözügedən süxurlar bioloji izlərin qorunub saxlanması məsələsində yüksək potensiala sahibdirlər” - deyə mütəxəssislərdən biri qeyd edib. Təbii ki, indidən dəqiq bir şey demək olmaz. Belə ki, dəqiq cavablar dağ süxuru nümunələrinin Yer kürəsində laboratoriya şəraitində analizləri zamanı ortaya çıxacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Marsın Cənub qütb regionunda yeraltı göl mövcud ola bilər

Alimlər artıq uzun illərdir ki, Marsda maye şəklində su tapmağa ümid edirlər. Bu cür kəşf öz növbəsi..


Qara dəliklər partlaya bilirlərmi?

Qara dəliklər çox böyük kütləyə sahib kosmik obyektlərdir və onlar öz ətraflarında olan akresiya dis..


NASA-nın kosmik aparatı uğurlu şəkildə asteroidlə toqquşub (VİDEO)

Tarixdə ilk dəfə insan əli ilə hazırlanmış kosmik aparat asteroid ilə toqquşub.


NASA-nın kosmik aparatı gecə saatlarında asteroidlə toqquşacaq (VİDEO)

NASA-nın Double Asteroid Redirection Test (DART) adlı missiyası artıq final mərhələyə yaxınlaşır...


NVIDIA-nın süni zəka alqoritmi virtual dünyalar üçün sürətli şəkildə obyektlər v..

NVIDIA şirkəti GET3D adlı süni zəka modeli barəsində danışıb. Sözügedən süni zəka modeli virtual 3D ..


Alimlər Süd Yolu qalaktikasının ilkin nüvəsinin harda yerləşdiyini öyrəniblər..

Gaia adlı kosmik teleskop tərəfindən əldə edilmiş məlumatlar əsasında alimlər Süd Yolu qalaktikasını..

×