Azərbaycanda internet sürəti son bir ildə 30%-ə yaxın artıb
Tech-Azərbaycan
16.06.2026
Farid
“Ookla” şirkətinin may ayı üzrə təqdim etdiyi “Speedtest Global Index” hesabatına görə, Azərbaycanda sabit genişzolaqlı internetin median sürəti 91,95 Mb/s, mobil internetin median sürəti isə 96,65 Mb/s olub.
Technote.az xəbər verir ki, illik müqayisədə sabit genişzolaqlı internetin sürəti 12,70 Mb/s (16,03%), mobil internetin sürəti isə 22,82 Mb/s (30,91%) artıb. Hesabat ölkədə hər iki istiqamətdə sürət göstəricilərinin yüksəldiyini ortaya qoyub.
Paytaxt Bakı üzrə sabit genişzolaqlı internetin median sürəti 92,19 Mb/s təşkil edib. Mobil internetin median sürəti isə 117,08 Mb/s səviyyəsində qeydə alınıb.
İllik müqayisədə Bakıda sabit genişzolaqlı internetin sürəti 13,33 Mb/s (16,90%) artıb. Mobil internetin sürətində isə 26,20 Mb/s (28,83%) yüksəliş qeydə alınıb.
Hesabatda qeyd olunan göstəricilər Azərbaycanın internet bağlantısı üzrə nəticələrinin yaxşılaşdığını göstərir. Məlumata görə, bu artım ölkənin qlobal internet reytinqlərində mövqeyinin yüksəlməsini təsdiqləyir.
Paylaş
