Prezident ASAN xidmət ilə Esvatini arasında əməkdaşlıq memorandumunu təsdiqləyib
Tech-Azərbaycan
01.07.2026
Farid
Prezident İlham Əliyev ASAN xidmət ilə Esvatini Krallığı arasında əməkdaşlığa dair Anlaşma Memorandumunun təsdiq edilməsi haqqında Fərman imzalayıb. Sənəd dövlət xidmətlərinin göstərilməsinin qabaqcıl mexanizminin yaradılması sahəsində əməkdaşlığı nəzərdə tutur.
Technote.az xəbər verir ki, memorandum Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə Esvatini Krallığının İnformasiya, Kommunikasiyalar və Texnologiya Nazirliyi arasında imzalanıb. Sənəd 2026-cı il mayın 19-da Bakı şəhərində imzalanmışdı.
Memorandum qüvvəyə mindikdən sonra Dövlət Agentliyi onun müddəalarının icrasını təmin edəcək. Bu istiqamətdə nəzərdə tutulan tədbirlər Agentlik tərəfindən həyata keçiriləcək.
Fərmana əsasən, Xarici İşlər Nazirliyi memorandumun qüvvəyə minməsi üçün tələb olunan dövlətdaxili prosedurların tamamlandığı barədə Esvatini Krallığı Hökumətinə bildiriş göndərməlidir.
Memorandum dövlət xidmətlərinin göstərilməsi sahəsində qabaqcıl təcrübənin paylaşılması və əməkdaşlığın genişləndirilməsini hədəfləyir. Sənəd iki ölkə arasında bu sahədə institusional əməkdaşlığın hüquqi əsasını formalaşdırır.
Paylaş
