ABŞ Apellyasiya Məhkəməsi TikTok-un əleyhinə qərar qəbul edib
Tech-Biznes
09.12.2024
Emil
Bu ilin aprel ayında ABŞ prezidenti Joe Biden ölkədə TikTok-un qadağan edilməsinə hədəflənmiş qanun layihəsini imzalamışdı. ABŞ prezidenti tərəfindən imzalanmış qanun layihəsinə əsasən ByteDance şirkəti TikTok-u ABŞ-ın yerli şirkətlərindən birinə satmayacağı təqdirdə bu sosial platforma ölkədə bloklanacaq. ABŞ hökumətinin bu sosial platformanı ölkədə qadağan etmək istəməsində əsas səbəb TikTok-un Çin hökuməti ilə əlaqəli ola bilməsində və propaqanda məqsədilə platformada dezinformasiyanın yayılmasındadır. ABŞ hökuməti narahatdır ki, Çin hökuməti TikTok vasitəsilə amerikalıların konfidensial məlumatlarını yığır.
ByteDance şirkəti öz növbəsində ABŞ Konstitusiyasına edilmiş birinci düzəlişin əks etdirdiyi hüquqların pozulduğunu iddia edərək apellyasiya məhkəməsinə müraciət etdi. Qeyd etmək lazımdır ki, ABŞ Konstitusiyasının birinci düzəlişi söz azadlığının təmin olunmasına zəmanət verir. Lakin məlum olub ki, apellyasiya məhkəməsi bu mövzuda tamamilə fərqli fikirə sahibdir. Belə ki, ABŞ Federal Apellyasiya Məhkəməsinin 6 dekabr tarixində qəbul etmiş olduğu qərara əsasən TikTok-un ölkədə qadağan edilməsinə istiqamətlənmiş qanun layihəsi ABŞ Konstitusiyasının birinci düzəlişini pozmur.
Beləliklə ByteDance şirkətinin 19 yanvar tarixinə kimi vaxtı var. Həmin tarixə qədər şirkət TikTok-u ABŞ-ın yerli şirkətlərindən birinə satmasa, bu sosial platforma ölkədə bloklanacaq. Maraqlısı ondadır ki, öz keçmiş prezidentlik dövrü ərzində TikTok-un ABŞ-da qadağan olunmasının əsas tərəfdarı olmuş Donald Trump artıq geridə qalmış prezident seçkiləri ilə bağlı keçirtmiç olduğu seçki öncəsi kampaniyasını üstəlik TikTok üzərindən də reallaşdırırdı. Ola bilsin ki, Trump bu sosial platforma barəsində fikrini dəyişib və onun yenidən Ağ Evə gəlməsi TikTok üçün çıxış yolu ola bilər. Lakin hətta bu halda belə ABŞ-ın yeni prezidenti üçün Federal Apellyasiya Məhkəməsinin qərarını ləğv etmək çətin olacaq.
Paylaş
Bənzər xəbərlər
Sosial Media
Artıq TikTok-da 18 yaşdan kiçik istifadəçilər gözəllik filtrlərindən istifadə edə bilməyəcəklər!
TikTok gənc istifadəçilərini qorumağı hədəfləyən yeni təhlükəsizlik tədbirlərini açıqlayıb. Artıq 13 yaşdan kiçik şəxslər TikTok-da qeydiyyatdan keçə bilməyəcək, 18 yaşdan aşağı istifadəçilər isə üz filtrindən istifadə edə bilməyəcəklər.
Süni İntellekt
TikTok-un sahibi ByteDance fotoların tərtibatı və redaktəsi üçün süni zəka sistemini istifadəyə verib
TikTok-un sahibi olan ByteDance şirkəti SeedEdit adlı süni zəka sistemini istifadəyə verib. Bu, mətn fomratında təsvirlər əsasında fotoların tərtibatına və redaktəsinə istiqamətlənmiş süni zəka sistemidir.
Sosial Media
Kanadada TikTok-un fəaliyyətinin dayandırılması əmri verilib
Kanada TikTok-a ölkədə fəaliyyət göstərilməsinin dayandırılması əmrini verib. Səbəb isə TikTok və onun sahibi olan ByteDance şirkəti tərəfindən ölkənin milli təhlükəsizliyinə olan risklərlə bağlıdır.
Sosial Media
Apple-ın TikTok-a gizli şəkildə təzyiq göstərdiyi məlum olub!
ABŞ-da TikTok-a qarşı açılmış məhkəmə işi ilə bağlı sənədlər səhvən paylaşılıb. Bu sənədlərdə Apple-ın TikTok üzərindəki təzyiqlərindən bəhs edilib. Bəs Apple bunu niyə edib?
Sosial Media
TikTok Azərbaycanda TikTok For Business platformasını təqdim etdi
Qısa videoların izlənməsi və yaradılması üçün aparıcı platforma olan TikTok, Azərbaycandakı auditoriyaya TikTok For Business platformasını təqdim etdi. Bu platforma biznes vəzifələrinin effektiv həllinə kömək edir, brendlərin yaradıcı potensialını üzə çıxarır və marketinq yanaşmasını yenidən nəzərdən keçirməyə imkan yaradır.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
