Apple Çin bazarını itirməyə davam edir

     IDC-nin press-relizində qeyd olunduğu kimi, ötən rübdə Çində smartfon seqmenti ümumilikdə 3.3% artaraq 71.6 milyon ədədə çatıb. Yerli bazarın ümumi artımına yanvar ayında Çin hökumətinin 810$-a qədər dəyəri olan smartfonların alınmasına tətbiq etdiyi subsidiyalar səbəb olub. Lakin Apple-ın bəzi məhsulları bu subsidiyaya daxil edilmədiyi üçün iPhone-un Çindəki bazar payının azalması qismən bununla izah olunur. IDC-nin materialında bildirilir ki, ilin birinci rübündə satış həcmlərinin artmasına Çin ay təqvimi ilə qeyd olunan Yeni il bayramına təsadüf edən mövsümi tələbat da təsir göstərib.

     Qlobal smartfon bazarı isə birinci rübün yekunlarına görə 1/5% artıb, bu səbəbdən Çin bazarı daha sürətli artım nümayiş etdirib. IDC analitikləri əvvəlcədən subsidiyaların Çin smartfon bazarına daha güclü stimullaşdırıcı təsir göstərəcəyini gözləyirdilər. Xiaomi şirkətinin məhsul tədarükündəki dinamika ona təxminən 10 ildən sonra yenidən Çin smartfon bazarında birinci yerə qayıtmağa imkan verib. Tədarüklər illik müqayisədə 39.9% artaraq 13.3 milyon smartfona çatıb və Xiaomi-nin bazar payı 9.5%-dən 13.3%-ə yüksəlib. Huawei ikinci yerlə kifayətlənib, lakin onun da tədarükləri 10% artaraq 12.9 milyon smartfona çatıb, bazar payı isə 17%-dən 18%-ə yüksəlib.

     Üçüncü yerdə 11.2 milyon ədəd və 3.3% artımla OPPO qərarlaşıb, şirkət bazar payını 15.7% səviyyəsində qoruyub. Dördüncü yerdə olan Vivo-nun bazar payı 14.6%-dən 14.4%-ə bir qədər azalsa da, tədarük həcmi 2.3% artaraq 10.3 milyon ədədə çatıb. İlk beşliyi isə Apple tamamlayır - şirkət iPhone tədarükünü birdən-birə 9% azaldaraq Çin smartfon bazarındakı payından 1.9% itirib və rübü 13.7% bazar payı ilə başa vurub. Beləliklə, Apple birinci rübün nəticələrinə əsasən, tədarük həcmini azaldan yeganə beşlik üzvü olub. Digər tərəfdən, ilk beşlikdən kənarda qalan digər Çin bazarı iştirakçıları smartfon tədarüklərini 14% azaldaraq 14 milyon ədədə endiriblər və onların ümumi bazar payı 19.5% təşkil edib.

Mənbə: IDC

Bənzər xəbərlər

Proqram Təminatı

Meta Facebook, WhatsApp və Threads-də Apple Intelligence imkanlarını deaktiv edib

Apple Intelligence, iOS 18 ilə birlikdə təqdim olunduqdan sonra 2024-cü ilin oktyabr ayından etibarən istifadəçilər üçün əlçatan olub. Bu alətlər, xüsusilə də Writing Tools, süni zəka vasitəsilə mətn yaratmağa, redaktə etməyə və düzəliş etməyə imkan verir.

Cihazlar+

Apple Vision Pro-nun Vision Air adlı nazik gövdəli davamçısı üzərində çalışmış ola bilər

Apple Vision Pro qarışıq reallıq (AR + VR) cihazının davamçısı ilə bağlı məlumat sızmaları davam edir. Son məlumatlara görə, Apple diqqətini əhəmiyyətli dərəcədə daha yüngül və “nazik” modelin yaradılmasına yönəldib.

Cihazlar+

Qatlana bilən iPhone modeli Galaxy Z Fold 6-dan 10% daha baha ola bilər

Apple-ın iPhone Fold smartfonu şirkətin qatlana bilən smartfonlar bazarına ilk girişini təmsil edəcək. Baxmayaraq ki, Apple bu sahəyə gec daxil olur, yüksək satış qiyməti bu cihazın çoxları üçün kütləvi məhsula çevrilməsinin qarşısını ala bilər.

Sosial Media

Meta iMessage-in Instagram və Facebook Messenger-dən məşhur olduğunu düşünür

Meta artıq bir neçə ildir ki, antiinhisar iddiası ilə üzləşir və 2021-ci ilin iyun ayında Federal Məhkəmə Hakimi işi rədd etsə də, ABŞ Federal Ticarət Komissiyası (FTC) 2022-ci ildə daha təkmilləşdirilmiş bir şikayət təqdim etmişdi.

Cihazlar+

Apple 2 cihazı öz köhnəlmiş cihazlar siyahısına əlavə edib

Apple 2 cihazı öz köhnəlmiş cihazlar siyahısına əlavə edib. Artıq şirkət iPhone 6s və Mac mini (2018) modellərini rəsmi olaraq köhnəlmiş hesab edir.