ChatGPT-nin mobil tətbiqi yeni gəlir rekorduna imza atıb

     ChatGPT çat-botunun mobil tətbiqi gəlir məsələsində yeni rekorda imza atıb. Appfigures adlı analitik şirkətin təqdim etmiş olduğu məlumata əsasən sözügedən tətbiqin iyul ayı üzrə təmiz gəliri 28 milyon dollar təşkil edir. Bu, tətbiqin istifadəyə verildiyi vaxtdan indiyənə kimi ən böyük aylıq gəliridir. Gəlirin bu qədər artmasının əsas səbəbi OpenAI şirkətinin GPT-4o adlı süni zəka modelini istifadəyə verməsidir. Bu süni zəka modeli çat-botun imkanlarını olduqca genişləndirib.

     Nəticədə ChatGPT-nin bu süni zəka modeli vasitəsilə çalışan versiyası mətnləri, videoları və nitqi emal etməklə yanaşı istifadəçiyə daha sürətli şəkildə cavab verə bilir. Maraqlısı ondadır ki, mobil tətbiqin iyul ayı üzrə əldə etmiş gəlirin 83%-i iOS versiyasının payına düşüb. Appfigures şirkəti bildirib ki, yeni texnologiyaya tələbat sayəsində may ayında tətbiqin ümumi dövriyyəsi 40% yüksəlib. Bundan əlavə olaraq məlumatda qeyd edilib ki, iyul ayında tətbiq 2 milyon yeni ödənişli istifadəçini özünə cəlb edə bilib.

Bənzər xəbərlər

Sosial Media

OpenAI-nin CEO-su Sam Altman, X hesabında şifrəli paylaşım edib!

Keçən həftələrdə Project Strawberry kimi sızdırılan süni intellekt, indi OpenAI-nin CEO-su Sam Altman tərəfindən paylaşılmış ola bilər. Altman, X-dakı paylaşımında bağçasındakı çiyələklərin fotosunu yerləşdirib. Bəs bu, nə mənaya gəlir?

Tech-Biznes

Elon Musk, OpenAI şirkətini və onun CEO-su Sam Altman-ı yenidən məhkəməyə verib

Elon Musk mart ayında OpenAI şirkətini qeyri-kommersiya missiyasını pozmasında və özünün ən güclü məhsulu olan GPT-4 adlı böyük dil modeli barəsində məlumatları açıq mənbə şəklində bölüşməməkdə günahlandıraraq şirkəti məhkəməyə vermişdi.

Süni İntellekt

Ev tapşırıqlarını ChatGPT ilə yerinə yetirən tələbələr üçün pis xəbər!

OpenAI, ChatGPT tərəfindən yaradılan mətnə ​​filiqran (əskinaslarda, poçt pullarından və dövlətə aid rəsmi sənədlərdə saxtakarlığın qarşısını almaq məqsədiylə tez-tez istifadə olunan şəkil və ya yazı) qoymaq və filiqranı aşkar etmək üçün alət üzərində işləyir. Lakin şirkət, bu aləti buraxmaqda tərəddüd edir.

Tech-Biznes

OpenAI, 5 milyard dollarlıq zərərlə iflas edə bilər!

Süni intellekt sahəsində aparıcı şirkətlərdən biri olan OpenAI, böyük əməliyyat xərcləri səbəbindən 12 ay ərzində iflas ərəfəsində ola bilər. Şirkət, bu il 5 milyard dollarlıq zərər gözləyir.

Süni İntellekt

OpenAI SearchGPT adlı süni zəka əsaslı axtarış sistemini təqdim edib

Hələ bir neçə ay bundan öncə məlumat ortaya çıxmışdı ki, OpenAI şirkəti süni zəka əsaslı axtarış sistemi üzərində çalışır. İndi isə bu məlumat öz təsdiqini tapıb.